مرے دیدار کی ہے اک یہی شرط
کہ تو پنہاں نہ ہو اپنی نظر سے
mere deedaar ki hai ik yahi shart
ke tu pinhaan na ho apni nazar se
خودی ہے زندہ تو ہے موت اک مقامِ حیات
کہ عشق موت سے کرتا ہے امتحانِ ثبات
khudi hai zinda to hai maut ik maqaam-e-hayaat
ke ishq maut se karta hai imtihaan-e-sabaat
خودی ہے مردہ تو مانندِ کاہ پیشِ نسیم
خودی ہے زندہ تو سلطانِ جملہ موجودات
khudi hai murda to maanind-e-kaah pesh-e-naseem
khudi hai zinda to sultaan-e-jumla maujoodaat
قناعت نہ کر عالم رنگ و بو پر
چمن اور بھی آشیاں اور بھی ہیں
qana'at na kar aalam-e-rang-o-bu par
chaman aur bhi aashiyan aur bhi hain
حقیقت اپنی آنکھوں پر نمایاں جب ہوئی اپنی
مکاں نکلا ہمارے خانۂ دل کے مکینوں میں
haqiqat apni aankhon par numayan jab hui apni
makan nikla hamare khana-e-dil ke makinon mein
کبھی اپنا بھی نظارہ کیا ہے تو نے اے مجنوں
کہ لیلیٰ کی طرح تو خود بھی ہے محمل نشینوں میں
kabhi apna bhi nazzara kiya hai tu ne ae majnun
ki laila ki tarah tu khud bhi hai mahmil-nashinon mein
قصوروار غریب الدیار ہوں لیکن
ترا خرابہ فرشتے نہ کر سکے آباد
qusurvar gharib-ud-diyar hun lekin
tera kharaba farishte na kar sake abad
کچھ قدر اپنی تو نے نہ جانی
یہ بے سوادی یہ کم نگاہی
kuchh qadr apni tu ne na jaani
ye be-savadi ye kam-nigahi
حیات کیا ہے خیال و نظر کی مجذوبی
خودی کی موت ہے اندیشہ ہائے گوناں گوں
hayat kya hai khayal-o-nazar ki majzubi
khudi ki maut hai andesha-ha-e-gunagun
خودی میں ڈوبنے والوں کے عزم و ہمت نے
اس آب جو سے کئے بحر بے کراں پیدا
Khudi mein doobne valon ke azm-o-himmat ne
Is aab-ju se kiye bahr-e-be-karan paida
خودی کی موت سے مغرب کا اندروں بے نور
خودی کی موت سے مشرق ہے مبتلائے جذام
Khudi ki maut se maghrib ka andarun be-nur
Khudi ki maut se mashriq hai mubtala-e-juzam
سنا ہے میں نے، غلامی سے امتوں کی نجات
خودی کی پرورش و لذت نمود میں ہے
Suna hai main ne ghulami se ummaton ki najat
Khudi ki parvarish-o-lazzat-e-numud mein hai
ابھی تک ہے پردے میں اولاد آدم
کسی کی خودی آشکارا نہیں ہے
Abhi tak hai parde mein aulad-e-Adam
Kisi ki khudi ashkara nahin hai
خلوت میں خودی ہوتی ہے خودگیر، و لیکن
خلوت نہیں اب دیر و حرم میں بھی میسر
Khalvat mein khudi hoti hai khud-gir valekin
Khalvat nahin ab dair-o-haram mein bhi muyassar
ترے بلند مناصب کی خیر ہو یارب
کہ ان کے واسطے تو نے کیا خودی کو ہلاک
Tire buland manasib ki khair ho ya rab
Ki un ke vaste tu ne kiya khudi ko halak
فطرت کو دکھایا بھی ہے، دیکھا بھی ہے تو نے
آئینۂ فطرت میں دکھا اپنی خودی بھی!
Fitrat ko dikhaya bhi hai, dekha bhi hai tu ne
Aaina-e-fitrat mein dikha apni khudi bhi!
مری خودی بھی سزا کی ہے مستحق لیکن
زمانہ دارو رسن کی تلاش میں ہے ابھی
Miri khudi bhi saza ki hai mustahiq lekin
Zamana dar-o-rasan ki talash mein hai abhi
ہے شعر عجم گرچہ طرب ناک و دل آویز
اس شعر سے ہوتی نہیں شمشیر خودی تیز
Hai sher-e-ajam garche tarabnak-o-dil-aviz
Is sher se hoti nahin shamshir-e-khudi tez
تاثیر غلامی سے خودی جس کی ہوئی نرم
اچھی نہیں اس قوم کے حق میں عجمی لے
Tasir-e-ghulami se khudi jis ki hui narm
Achchhi nahin us qaum ke haq mein ajami lai
تری خودی میں اگر انقلاب ہو پیدا
عجب نہیں ہے کہ یہ چار سو بدل جائے
Tiri khudi mein agar inqilab ho paida
Ajab nahin hai ki ye char-su badal jae
خودی کی خلوتوں میں گم رہا میں
خدا کے سامنے گویا نہ تھا میں!
Khudi ki khalvaton mein gum raha main
Khuda ke samne goya na tha main!
اے کہ غلامی سے ہے روح تری مضمحل
سینۂ بے سوز میں ڈھونڈ خودی کا مقام!
ae ke ghulaami se hai rooh teri muzmahil
seena-e-be-soz mein dhoond khudi ka maqaam!
خودی سے مردِ خود آگاہ کا جمال و جلال
کہ یہ کتاب ہے، باقی تمام تفسیریں
khudi se mard-e-khud-aagaah ka jamaal o jalaal
ke ye kitaab hai, baaqi tamaam tafseeren
خودی ہے زندہ تو دریا ہے بے کرانہ ترا
ترے فراق میں مضطر ہے موجِ نیل و فرات
khudi hai zinda to darya hai be-karaana tera
tere firaaq mein muztar hai mauj-e-Neel o Furaat
Share a quote
Short quotes only (up to characters): the book stays the author’s. Line breaks are kept — good for couplets.
Up to characters. Remove the couplets you don’t want — the poet’s name and the link go on the image.
