ہے شعر عجم گرچہ طرب ناک و دل آویز
اس شعر سے ہوتی نہیں شمشیر خودی تیز
Hai sher-e-ajam garche tarabnak-o-dil-aviz
Is sher se hoti nahin shamshir-e-khudi tez
افسردہ اگر اس کی نوا سے ہو گلستاں
بہتر ہے کہ خاموش رہے مرغ سحر خیز
Afsurda agar us ki nava se ho gulistan
Behtar hai ki khamosh rahe murgh-e-sahar-khez
وہ ضرب اگر کوہ شکن بھی ہو تو کیا ہے
جس سے متزلزل نہ ہوئی دولت پرویز
Vo zarb agar koh-shikan bhi ho to kya hai
Jis se mutazalzal na hui daulat-e-Parvez
اقبال یہ ہے خارہ تراشی کا زمانہ
"از ہر چہ بآئینہ نمایند بہ پرہیز"
Iqbal ye hai khara-tarashi ka zamana
"Az har-che ba-aina numayand ba-parhez"
