اثر کرے نہ کرے سن تو لے مری فریاد
نہیں ہے داد کا طالب یہ بندۂ آزاد
asar kare na kare sun to le meri fariyad
nahin hai daad ka talib ye banda-e-azad
یہ مشت خاک یہ صرصر یہ وسعت افلاک
کرم ہے یا کہ ستم تیری لذت ایجاد
ye musht-e-khak ye sarsar ye vusat-e-aflak
karam hai ya ki sitam teri lazzat-e-ijad
ٹھہر سکا نہ ہوائے چمن میں خیمۂ گل
یہی ہے فصل بہاری یہی ہے باد مراد
thahar saka na hava-e-chaman mein khaima-e-gul
yahi hai fasl-e-bahari yahi hai baad-e-murad
قصوروار غریب الدیار ہوں لیکن
ترا خرابہ فرشتے نہ کر سکے آباد
qusurvar gharib-ud-diyar hun lekin
tera kharaba farishte na kar sake abad
مری جفا طلبی کو دعائیں دیتا ہے
وہ دشت سادہ وہ تیرا جہان بے بنیاد
meri jafa-talabi ko duaen deta hai
vo dasht-e-sada vo tera jahan-e-be-bunyad
خطر پسند طبیعت کو سازگار نہیں
وہ گلستاں کہ جہاں گھات میں نہ ہو صیاد
khatar-pasand tabiat ko saazgar nahin
vo gulistan ki jahan ghaat mein na ho sayyad
مقام شوق ترے قدسیوں کے بس کا نہیں
انہیں کا کام ہے یہ جن کے حوصلے ہیں زیاد
maqam-e-shauq tere qudsiyon ke bas ka nahin
unhin ka kaam hai ye jin ke hausle hain ziyad
