ترے عشق کی انتہا چاہتا ہوں
مری سادگی دیکھ کیا چاہتا ہوں
tire ishq ki intiha chahta hun
miri sadgi dekh kya chahta hun
ستم ہو کہ ہو وعدۂ بے حجابی
کوئی بات صبر آزما چاہتا ہوں
sitam ho ki ho wada-e-be-hijabi
koi baat sabr-azma chahta hun
یہ جنت مبارک رہے زاہدوں کو
کہ میں آپ کا سامنا چاہتا ہوں
ye jannat mubarak rahe zahidon ko
ki main aap ka samna chahta hun
ذرا سا تو دل ہوں مگر شوخ اتنا
وہی لن ترانی سنا چاہتا ہوں
zara sa to dil hun magar shokh itna
wahi lan-tarani suna chahta hun
کوئی دم کا مہماں ہوں اے اہل محفل
چراغ سحر ہوں بجھا چاہتا ہوں
koi dam ka mehman hun ai ahl-e-mahfil
charagh-e-sahar hun bujha chahta hun
بھری بزم میں راز کی بات کہہ دی
بڑا بے ادب ہوں سزا چاہتا ہوں
bhari bazm mein raaz ki baat keh di
bada be-adab hun saza chahta hun
