قلب و نظر کی زندگی دشت میں صبح کا سماں
چشمۂ آفتاب سے نور کی ندیاں رواں!
qalb-o-nazar ki zindagi dasht mein subh ka saman
chashma-e-aftab se nur ki nadiyan ravan!
حسن ازل کی ہے نمود چاک ہے پردۂ وجود
دل کے لیے ہزار سود ایک نگاہ کا زیاں!
husn-e-azal ki hai numud, chak hai parda-e-vujud
dil ke liye hazar sud ek nigah ka ziyan!
سرخ و کبود بدلیاں چھوڑ گیا سحاب شب!
کوہ اضم کو دے گیا رنگ برنگ طیلساں!
surkh-o-kabud badliyan chhod gaya sahab-e-shab!
koh-e-Izam ko de gaya rang-barang tailsan!
گرد سے پاک ہے ہوا برگ نخیل دھل گئے
ریگ نواح کاظمہ نرم ہے مثل پرنیاں
gard se pak hai hava, barg-e-nakhil dhul gae
reg-e-navah-e-Kazima narm hai misl-e-parniyan
آگ بجھی ہوئی ادھر، ٹوٹی ہوئی طناب ادھر
کیا خبر اس مقام سے گزرے ہیں کتنے کارواں
aag bujhi hui idhar, tuti hui tanab udhar
kya khabar is maqam se guzre hain kitne karvan
آئی صدائے جبرئیل تیرا مقام ہے یہی
اہل فراق کے لیے عیش دوام ہے یہی
aai sada-e-Jibrail, tera maqam hai yahi
ahl-e-firaq ke liye aish-e-davam hai yahi
کس سے کہوں کہ زہر ہے میرے لیے مئے حیات
کہنہ ہے بزم کائنات تازہ ہیں میرے واردات!
kis se kahun ki zahr hai mere liye mai-e-hayat
kuhna hai bazm-e-kainat, taza hain mere waridat!
کیا نہیں اور غزنوی کارگہ حیات میں
بیٹھے ہیں کب سے منتظر اہل حرم کے سومنات!
kya nahin aur Ghaznavi kargah-e-hayat mein
baithe hain kab se muntazir ahl-e-haram ke Somnat!
ذکر عرب کے سوز میں، فکر عجم کے ساز میں
نے عربی مشاہدات، نے عجمی تخیلات
zikr-e-Arab ke soz mein, fikr-e-Ajam ke saz mein
ne Arabi mushahidat, ne Ajami takhayyulat
قافلۂ حجاز میں ایک حسین بھی نہیں
گرچہ ہے تاب دار ابھی گیسوئے دجلہ و فرات!
qafila-e-Hijaz mein ek Husain bhi nahin
garche hai tab-dar abhi gesu-e-Dajla-o-Furat!
عقل و دل و نگاہ کا مرشد اولیں ہے عشق
عشق نہ ہو تو شرع و دیں بتکدۂ تصورات!
aql-o-dil-o-nigah ka murshid-e-avvalin hai ishq
ishq na ho to shara-o-din butkada-e-tasavvurat!
صدق خلیل بھی ہے عشق صبر حسین بھی ہے عشق!
معرکۂ وجود میں بدر و حنین بھی ہے عشق!
sidq-e-Khalil bhi hai ishq, sabr-e-Husain bhi hai ishq!
marka-e-vujud mein Badr-o-Hunain bhi hai ishq!
آیۂ کائنات کا معنئ دیر یاب تو!
نکلے تری تلاش میں قافلہ ہائے رنگ و بو!
aya-e-kainat ka mani-e-der-yab tu!
nikle tiri talash mein qafila-ha-e-rang-o-bu!
جلوتیان مدرسہ کور نگاہ و مردہ ذوق
خلوتیان میکدہ کم طلب و تہی کدو!
jalvatiyan-e-madrasa kor-nigah-o-murda-zauq
khalvatiyan-e-mai-kada kam-talab-o-tahi-kadu!
میں کہ مری غزل میں ہے آتش رفتہ کا سراغ
میری تمام سرگزشت کھوئے ہوؤں کی جستجو!
main ki miri ghazal mein hai aatish-e-rafta ka suragh
meri tamam sarguzasht khoe huon ki justuju!
باد صبا کی موج سے نشو و نمائے خار و خس!
میرے نفس کی موج سے نشو و نمائے آرزو!
bad-e-saba ki mauj se nashv-o-numa-e-khar-o-khas!
mere nafas ki mauj se nashv-o-numa-e-aarzu!
خون دل و جگر سے ہے میری نوا کی پرورش
ہے رگ ساز میں رواں صاحب ساز کا لہو!
khun-e-dil-o-jigar se hai meri nava ki parvarish
hai rag-e-saz mein ravan sahib-e-saz ka lahu!
فرصت کشمکش مدہ ایں دل بے قرار را
یک دو شکن زیادہ کن گیسوئے تابدار را
fursat-e-kashmakash madeh in dil-e-beqarar ra
yak do shikan ziyada kun gesu-e-tabdar ra
لوح بھی تو، قلم بھی تو، تیرا وجود الکتاب!
گنبد آبگینہ رنگ تیرے محیط میں حباب!
lauh bhi tu, qalam bhi tu, tera vujud al-Kitab!
gumbad-e-abgina-rang tere muhit mein habab!
عالم آب و خاک میں تیرے ظہور سے فروغ
ذرۂ ریگ کو دیا تو نے طلوع آفتاب!
alam-e-ab-o-khak mein tere zuhur se farogh
zarra-e-reg ko diya tu ne tulu-e-aftab!
شوکت سنجر و سلیم تیرے جلال کی نمود!
فقر جنیدؔ و بایزیدؔ تیرا جمال بے نقاب!
shaukat-e-Sanjar-o-Salim tere jalal ki numud!
faqr-e-Junaid-o-Bayazid tera jamal-e-be-naqab!
شوق ترا اگر نہ ہو میری نماز کا امام
میرا قیام بھی حجاب! میرا سجود بھی حجاب!
shauq tira agar na ho meri namaz ka imam
mera qiyam bhi hijab! mera sujud bhi hijab!
تیری نگاہ ناز سے دونوں مراد پا گئے
عقل، غیاب و جستجو! عشق، حضور و اضطراب!
teri nigah-e-naz se donon murad pa gae
aql, ghiyab-o-justuju! ishq, huzur-o-iztirab!
تیرہ و تار ہے جہاں گردش آفتاب سے!
طبع زمانہ تازہ کر جلوۂ بے حجاب سے!
tira-o-tar hai jahan gardish-e-aftab se!
tab-e-zamana taza kar jalva-e-be-hijab se!
تیری نظر میں ہیں تمام میرے گزشتہ روز و شب
مجھ کو خبر نہ تھی کہ ہے علم نخیل بے رطب!
teri nazar mein hain tamam mere guzashta roz-o-shab
mujh ko khabar na thi ki hai ilm nakhil-e-be-rutab!
تازہ مرے ضمیر میں معرکۂ کہن ہوا!
عشق تمام مصطفی! عقل تمام بو لہب!
taza mire zamir mein marka-e-kuhan hua!
ishq tamam Mustafa! aql tamam Bu-Lahab!
گاہ بحیلہ می برد، گاہ بزور می کشد
عشق کی ابتدا عجب عشق کی انتہا عجب!
gah ba-hila mi-barad, gah ba-zor mi-kashad
ishq ki ibtida ajab ishq ki intiha ajab!
عالم سوز و ساز میں وصل سے بڑھ کے ہے فراق
وصل میں مرگ آرزو! ہجر میں لذت طلب!
alam-e-soz-o-saz mein vasl se badh ke hai firaq
vasl mein marg-e-aarzu! hijr mein lazzat-e-talab!
عین وصال میں مجھے حوصلۂ نظر نہ تھا
گرچہ بہانہ جو رہی میری نگاہ بے ادب!
ain-e-visal mein mujhe hausla-e-nazar na tha
garche bahana-ju rahi meri nigah-e-be-adab!
گرمئ آرزو فراق! شورش ہائے و ہو فراق!
موج کی جستجو فراق! قطرے کی آبرو فراق!
garmi-e-aarzu firaq! shorish-e-hae-o-hu firaq!
mauj ki justuju firaq! qatre ki aabru firaq!
