ہے عجب مجموعۂ اضداد اے اقبالؔ تو
رونقِ ہنگامۂ محفل بھی ہے، تنہا بھی ہے
hai ajab majmua-e-azdad ai Iqbal tu
raunaq-e-hangama-e-mahfil bhi hai, tanha bhi hai
تیرے ہنگاموں سے اے دیوانۂ رنگیں نوا!
زینتِ گلشن بھی ہے، آرائشِ صحرا بھی ہے
tere hangamon se ai divana-e-rangin-nava!
zinat-e-gulshan bhi hai, aaraish-e-sahra bhi hai
ہم نشیں تاروں کا ہے تو رفعتِ پرواز سے
اے زمیں فرسا، قدم تیرا فلک پیما بھی ہے
ham-nashin taron ka hai tu rifat-e-parvaz se
ai zamin-farsa, qadam tera falak-paima bhi hai
عین شغلِ مے میں پیشانی ہے تیری سجدہ ریز
کچھ ترے مسلک میں رنگِ مشربِ مینا بھی ہے
ain shughl-e-mai mein peshani hai teri sajda-rez
kuchh tere maslak mein rang-e-mashrab-e-mina bhi hai
مثلِ بوئے گل لباسِ رنگ سے عریاں ہے تو
ہے تو حکمت آفریں، لیکن تجھے سودا بھی ہے
misl-e-bu-e-gul libas-e-rang se uryan hai tu
hai to hikmat-afrin, lekin tujhe sauda bhi hai
جانبِ منزل رواں بے نقشِ پا مانندِ موج
اور پھر افتادہ مثلِ ساحلِ دریا بھی ہے
janib-e-manzil ravan be-naqsh-e-pa manind-e-mauj
aur phir uftada misl-e-sahil-e-darya bhi hai
حسنِ نسوانی ہے بجلی تیری فطرت کے لیے
پھر عجب یہ ہے کہ تیرا عشق بے پروا بھی ہے
husn-e-nisvani hai bijli teri fitrat ke liye
phir ajab ye hai ki tera ishq be-parva bhi hai
تیری ہستی کا ہے آئینِ تفنن پر مدار
تو کبھی ایک آستانے پر جبیں فرسا بھی ہے؟
teri hasti ka hai a'in-e-tafannun par madar
tu kabhi ek aastane par jabin-farsa bhi hai?
ہے حسینوں میں وفا ناآشنا تیرا خطاب
اے تلون کیش! تو مشہور بھی، رسوا بھی ہے
hai hasinon mein vafa-na-ashna tera khitab
ai talavvun-kesh! tu mashhur bhi, rusva bhi hai
لے کے آیا ہے جہاں میں عادتِ سیماب تو
تیری بے تابی کے صدقے، ہے عجب بے تاب تو
le ke aaya hai jahan mein aadat-e-simab tu
teri betabi ke sadqe, hai ajab betab tu
عشق کی آشفتگی نے کر دیا صحرا جسے
مشتِ خاک ایسی نہاں زیرِ قبا رکھتا ہوں میں
ishq ki aashuftagi ne kar diya sahra jise
musht-e-khak aisi nihan zer-e-qaba rakhta hun main
ہیں ہزاروں اس کے پہلو، رنگ ہر پہلو کا اور
سینے میں ہیرا کوئی ترشا ہوا رکھتا ہوں میں
hain hazaron us ke pahlu, rang har pahlu ka aur
sine mein hira koi tarsha hua rakhta hun main
دل نہیں شاعر کا، ہے کیفیتوں کی رستخیز
کیا خبر تجھ کو، درونِ سینہ کیا رکھتا ہوں میں
dil nahin shair ka, hai kaifiyyaton ki rastakhez
kya khabar tujh ko, darun-e-sina kya rakhta hun main
آرزو ہر کیفیت میں اک نئے جلوے کی ہے
مضطرب ہوں، دل سکوں ناآشنا رکھتا ہوں میں
aarzu har kaifiyat mein ik naye jalve ki hai
muztarib hun, dil sukun-na-ashna rakhta hun main
گو حسینِ تازہ ہے ہر لحظہ مقصودِ نظر
حسن سے مضبوط پیمانِ وفا رکھتا ہوں میں
go hasin-e-taza hai har lahza maqsud-e-nazar
husn se mazbut paiman-e-vafa rakhta hun main
بے نیازی سے ہے پیدا میری فطرت کا نیاز
سوز و سازِ جستجو مثلِ صبا رکھتا ہوں میں
be-niyazi se hai paida meri fitrat ka niyaz
soz-o-saz-e-justuju misl-e-saba rakhta hun main
موجبِ تسکیں تماشائے شرارِ جستہ اے
ہو نہیں سکتا کہ دل برق آشنا رکھتا ہوں میں
mujib-e-taskin tamasha-e-sharar-e-jasta ae
ho nahin sakta ki dil barq-ashna rakhta hun main
ہر تقاضا عشق کی فطرت کا ہو جس سے خموش
آہ! وہ کامل تجلی مدعا رکھتا ہوں میں
har taqaza ishq ki fitrat ka ho jis se khamosh
aah! vo kamil tajalli mudda'a rakhta hun main
جستجو کل کی لیے پھرتی ہے اجزا میں مجھے
حسن بے پایاں ہے، دردِ لادوا رکھتا ہوں میں
justuju kul ki liye phirti hai ajza mein mujhe
husn be-payan hai, dard-e-la-dava rakhta hun main
زندگی الفت کی درد انجامیوں سے ہے مری
عشق کو آزادِ دستورِ وفا رکھتا ہوں میں
zindagi ulfat ki dard-anjamiyon se hai miri
ishq ko azad-e-dastur-e-vafa rakhta hun main
سچ اگر پوچھے تو افلاسِ تخیل ہے وفا
دل میں ہر دم اک نیا محشر بپا رکھتا ہوں میں
sach agar puchhe to iflas-e-takhayyul hai vafa
dil mein har dam ik naya mahshar bapa rakhta hun main
فیضِ ساقی شبنم آسا، ظرفِ دل دریا طلب
تشنۂ دائم ہوں آتش زیرِ پا رکھتا ہوں میں
faiz-e-saqi shabnam-asa, zarf-e-dil darya-talab
tishna-e-daim hun aatish zer-e-pa rakhta hun main
مجھ کو پیدا کر کے اپنا نکتہ چیں پیدا کیا
نقش ہوں، اپنے مصور سے گلا رکھتا ہوں میں
mujh ko paida kar ke apna nukta-chin paida kiya
naqsh hun, apne musavvir se gila rakhta hun main
محفلِ ہستی میں جب ایسا تنک جلوہ تھا حسن
پھر تخیل کس لیے لا انتہا رکھتا ہوں میں
mahfil-e-hasti mein jab aisa tunuk-jalva tha husn
phir takhayyul kis liye la-intiha rakhta hun main
در بیابانِ طلب پیوستہ می کوشیم ما
موجِ بحریم و شکستِ خویش بر دوشیم ما
dar biyaban-e-talab paivasta mi-koshim ma
mauj-e-bahrim o shikast-e-khvesh bar doshim ma
