کیا میں نے اس خاک داں سے کنارا
جہاں رزق کا نام ہے آب و دانہ
kiya main ne us khak-dan se kinara
jahan rizq ka naam hai ab-o-dana
بیاباں کی خلوت خوش آتی ہے مجھ کو
ازل سے ہے فطرت مری راہبانہ
bayaban ki khalvat khush aati hai mujh ko
azal se hai fitrat miri rahibana
نہ باد بہاری، نہ گلچیں، نہ بلبل
نہ بیماری نغمۂ عاشقانہ
na bad-e-bahari, na gulchin, na bulbul
na bimari-e-naghma-e-ashiqana
خیابانیوں سے ہے پرہیز لازم
ادائیں ہیں ان کی بہت دلبرانہ
khiyabaniyon se hai parhez lazim
adaen hain un ki bahut dilbarana
ہوائے بیاباں سے ہوتی ہے کاری
جواں مرد کی ضربت غازیانہ
hava-e-bayaban se hoti hai kari
javan-mard ki zarbat-e-ghaziyana
حمام و کبوتر کا بھوکا نہیں میں
کہ ہے زندگی باز کی زاہدانہ
hamam-o-kabutar ka bhuka nahin main
ki hai zindagi baaz ki zahidana
جھپٹنا، پلٹنا، پلٹ کر جھپٹنا
لہو گرم رکھنے کا ہے اک بہانہ
jhapatna, palatna, palat kar jhapatna
lahu garm rakhne ka hai ik bahana
یہ پورب، یہ پچھم چکوروں کی دنیا
مرا نیلگوں آسماں بیکرانہ
ye purab, ye pachchham chakoron ki duniya
mira nilgun asman bekarana
پرندوں کی دنیا کا درویش ہوں میں
کہ شاہیں بناتا نہیں آشیانہ
parindon ki duniya ka darvesh hun main
ki shahin banata nahin ashiyana
