خودی وہ بحر ہے جس کا کوئی کنارہ نہیں
تو آب جو اسے سمجھا اگر تو چارہ نہیں
khudi vo bahr hai jis ka koi kinara nahin
tu ab-ju use samjha agar to chara nahin
طلسم گنبد گردوں کو توڑ سکتے ہیں
زجاج کی یہ عمارت ہے سنگ خارہ نہیں
tilism-e-gumbad-e-gardun ko tod sakte hain
zujaj ki ye imarat hai sang-e-khara nahin
خودی میں ڈوبتے ہیں پھر ابھر بھی آتے ہیں
مگر یہ حوصلۂ مرد ہیچ کارہ نہیں
khudi men dubte hain phir ubhar bhi aate hain
magar ye hausla-e-mard-e-hech-kara nahin
ترے مقام کو انجم شناس کیا جانے
کہ خاک زندہ ہے تو تابع ستارہ نہیں
tire maqam ko anjum-shanas kya jane
ki khak-e-zinda hai tu tabe-e-sitara nahin
یہیں بہشت بھی ہے، حور و جبرئیل بھی ہے
تری نگہ میں ابھی شوخی نظارہ نہیں
yahin bahisht bhi hai hur-o-jibrail bhi hai
tiri nigah men abhi shokhi-e-nazzara nahin
مرے جنوں نے زمانے کو خوب پہچانا
وہ پیرہن مجھے بخشا کہ پارہ پارہ نہیں
mire junun ne zamane ko khub pahchana
vo pairahan mujhe bakhsha ki para para nahin
غضب ہے عین کرم میں بخیل ہے فطرت
کہ لعل ناب میں آتش تو ہے شرارہ نہیں
ghazab hai ain-e-karam men bakhil hai fitrat
ki lal-e-nab men aatish to hai sharara nahin
