اک لرد فرنگی نے کہا اپنے پسر سے
منظر وہ طلب کر کہ تری آنکھ نہ ہو سیر
Ik lord-e-farangi ne kaha apne pisar se
Manzar vo talab kar ki tiri aankh na ho ser
بیچارے کے حق میں ہے یہی سب سے بڑا ظلم
برے پہ اگر فاش کریں قاعدۂ شیر
Bechare ke haq mein hai yahi sab se bada zulm
Barre pe agar fash karen qaida-e-sher
سینے میں رہے راز ملوکانہ تو بہتر
کرتے نہیں محکوم کو تیغوں سے کبھی زیر
Sine mein rahe raz-e-mulukana to behtar
Karte nahin mahkum ko teghon se kabhi zer
تعلیم کے تیزاب میں ڈال اس کی خودی کو
ہو جائے ملائم تو جدھر چاہے، اسے پھیر
Talim ke tezab mein daal us ki khudi ko
Ho jae mulaim to jidhar chahe, use pher
تاثیر میں اکسیر سے بڑھ کر ہے یہ تیزاب
سونے کا ہمالہ ہو تو مٹی کا ہے اک ڈھیر
Tasir mein iksir se badh kar hai ye tezab
Sone ka Himala ho to mitti ka hai ik dher
