جہاں میں دانش و بینش کی ہے کس درجہ ارزانی
کوئی شے چھپ نہیں سکتی کہ یہ عالم ہے نورانی
Jahan mein danish-o-binish ki hai kis darja arzani
Koi shai chhup nahin sakti ki ye alam hai nurani
کوئی دیکھے تو ہے باریک فطرت کا حجاب اتنا
نمایاں ہیں فرشتوں کے تبسم ہائے پنہانی
Koi dekhe to hai barik fitrat ka hijab itna
Numayan hain farishton ke tabassum-ha-e-pinhani
یہ دنیا دعوت دیدار ہے فرزند آدم کو
کہ ہر مستور کو بخشا گیا ہے ذوق عریانی
Ye duniya davat-e-didar hai farzand-e-Adam ko
Ki har mastur ko bakhsha gaya hai zauq-e-uryani
یہی فرزند آدم ہے کہ جس کے اشک خونیں سے
کیا ہے حضرت یزداں نے دریاؤں کو طوفانی
Yahi farzand-e-Adam hai ki jis ke ashk-e-khunin se
Kiya hai Hazrat-e-Yazdan ne dariyaon ko tufani
فلک کو کیا خبر یہ خاکداں کس کا نشیمن ہے
غرض انجم سے ہے کس کے شبستاں کی نگہبانی
Falak ko kya khabar ye khakdan kis ka nasheman hai
Gharaz anjum se hai kis ke shabistan ki nigahbani
اگر مقصود کل میں ہوں تو مجھ سے ماورا کیا ہے
مرے ہنگامہ ہائے نو بہ نو کی انتہا کیا ہے؟
Agar maqsud-e-kul main hun to mujh se mavara kya hai
Mire hangama-ha-e-nau-ba-nau ki intiha kya hai?
