کیا چرخ کج رو، کیا مہر، کیا ماہ
سب راہرو ہیں واماندۂ راہ
Kya charkh-e-kaj-rau, kya mehr, kya mah
Sab rahrau hain vamanda-e-rah
کڑکا سکندر بجلی کی مانند
تجھ کو خبر ہے اے مرگ ناگاہ
Kadka Sikandar bijli ki manind
Tujh ko khabar hai ai marg-e-nagah
نادر نے لوٹی دلی کی دولت
اک ضرب شمشیر، افسانہ کوتاہ
Nadir ne luti Dilli ki daulat
Ik zarb-e-shamshir, afsana kotah
افغان باقی، کہسار باقی
الحکم للہ! الملک للہ!
Afghan baqi, kohsar baqi
Al-hukmu lillah! Al-mulku lillah!
حاجت سے مجبور مردان آزاد
کرتی ہے حاجت شیروں کو روباہ
Hajat se majbur mardan-e-azad
Karti hai hajat sheron ko rubah
محرم خودی سے جس دم ہوا فقر
تو بھی شہنشاہ، میں بھی شہنشاہ!
Mahram khudi se jis dam hua faqr
Tu bhi shahanshah, main bhi shahanshah!
قوموں کی تقدیر وہ مرد درویش
جس نے نہ ڈھونڈی سلطاں کی درگاہ
Qaumon ki taqdir vo mard-e-darvesh
Jis ne na dhundi sultan ki dargah
