کبھی اے حقیقت منتظر نظر آ لباس مجاز میں
کہ ہزاروں سجدے تڑپ رہے ہیں مری جبین نیاز میں
kabhi ae haqiqat-e-muntazar nazar aa libas-e-majaz mein
ki hazaron sajde tadap rahe hain meri jabin-e-niyaz mein
طرب آشنائے خروش ہو تو نوا ہے محرم گوش ہو
وہ سرود کیا کہ چھپا ہوا ہو سکوت پردۂ ساز میں
tarab-ashna-e-kharosh ho to nawa hai mehram-e-gosh ho
wo surood kya ki chhupa hua ho sukut-e-parda-e-saaz mein
تو بچا بچا کے نہ رکھ اسے ترا آئنہ ہے وہ آئنہ
کہ شکستہ ہو تو عزیز تر ہے نگاہ آئنہ ساز میں
tu bacha bacha ke na rakh ise tera aaina hai wo aaina
ki shikasta ho to aziz-tar hai nigah-e-aaina-saz mein
دم طوف کرمک شمع نے یہ کہا کہ وہ اثر کہن
نہ تری حکایت سوز میں نہ مری حدیث گداز میں
dam-e-tauf kirmak-e-shama ne ye kaha ki wo asar-e-kuhan
na teri hikayat-e-soz mein na meri hadis-e-gudaz mein
نہ کہیں جہاں میں اماں ملی جو اماں ملی تو کہاں ملی
مرے جرم خانہ خراب کو ترے عفو بندہ نواز میں
na kahin jahan mein aman mili jo aman mili to kahan mili
mere jurm-e-khana-kharab ko tere afw-e-banda-nawaz mein
نہ وہ عشق میں رہیں گرمیاں نہ وہ حسن میں رہیں شوخیاں
نہ وہ غزنوی میں تڑپ رہی نہ وہ خم ہے زلف ایاز میں
na wo ishq mein rahin garmiyan na wo husn mein rahin shokhiyan
na wo ghaznavi mein tadap rahi na wo kham hai zulf-e-ayaz mein
جو میں سر بہ سجدہ ہوا کبھی تو زمیں سے آنے لگی صدا
ترا دل تو ہے صنم آشنا تجھے کیا ملے گا نماز میں
jo main sar-ba-sajda hua kabhi to zamin se aane lagi sada
tera dil to hai sanam-ashna tujhe kya milega namaz mein
