آتی ہے دم صبح صدا عرش بریں سے
کھویا گیا کس طرح ترا جوہر ادراک!
Aati hai dam-e-subh sada arsh-e-barin se
Khoya gaya kis tarah tira jauhar-e-idrak!
کس طرح ہوا کند ترا نشتر تحقیق
ہوتے نہیں کیوں تجھ سے ستاروں کے جگر چاک
Kis tarah hua kund tira nashtar-e-tahqiq
Hote nahin kyun tujh se sitaron ke jigar chak
تو ظاہر و باطن کی خلافت کا سزاوار
کیا شعلہ بھی ہوتا ہے غلام خس و خاشاک
Tu zahir-o-batin ki khilafat ka sazavar
Kya shola bhi hota hai ghulam-e-khas-o-khashak
مہر و مہ و انجم نہیں محکوم ترے کیوں
کیوں تری نگاہوں سے لرزتے نہیں افلاک
Mehr-o-mah-o-anjum nahin mahkum tire kyun
Kyun tiri nigahon se larazte nahin aflak
اب تک ہے رواں گرچہ لہو تیری رگوں میں
نے گرمی افکار، نہ اندیشۂ بے باک
Ab tak hai ravan garche lahu teri ragon mein
Nai garmi-e-afkar, na andesha-e-bebak
روشن تو وہ ہوتی ہے، جہاں بیں نہیں ہوتی
جس آنکھ کے پردوں میں نہیں ہے نگہ پاک
Roshan to vo hoti hai, jahan-bin nahin hoti
Jis aankh ke pardon mein nahin hai nigah-e-pak
باقی نہ رہی تیری وہ آئینہ ضمیری
اے کشتۂ سلطانی و ملائی و پیری!
Baqi na rahi teri vo aaina-zamiri
Ai kushta-e-sultani-o-mullai-o-piri!
