اے اہلِ نظر ذوقِ نظر خُوب ہے لیکن
جو شے کی حقیقت کو نہ دیکھے، وہ نظر کیا
Ai ahl-e-nazar zauq-e-nazar khub hai lekin
Jo shai ki haqiqat ko na dekhe, woh nazar kya
مقصودِ ہُنَر سوزِ حیاتِ ابدی ہے
یہ ایک نفَس یا دو نفَس مثلِ شرَر کیا
Maqsud-e-hunar soz-e-hayat-e-abadi hai
Ye ek nafas ya do nafas misl-e-sharar kya
جس سے دلِ دریا مُتَلاطم نہیں ہوتا
اے قطرۂ نَیساں وہ صدَف کیا، وہ گُہر کیا
Jis se dil-e-dariya mutalatim nahin hota
Ai qatra-e-naisan woh sadaf kya, woh guhar kya
شاعر کی نَوا ہو کہ مُغَنّی کا نفَس ہو
جس سے چمن افسردہ ہو وہ بادِ سحَر کیا
Shair ki nawa ho ke mughanni ka nafas ho
Jis se chaman afsurda ho woh bad-e-sahar kya
بے معجزہ دُنیا میں اُبھرتی نہیں قومیں
جو ضربِ کلیمی نہیں رکھتا وہ ہُنر کیا!
Be-mojiza duniya mein ubharti nahin qaumen
Jo zarb-e-kalimi nahin rakhta woh hunar kya!
