دنیا کی محفلوں سے اکتا گیا ہوں یا رب
کیا لطف انجمن کا جب دل ہی بجھ گیا ہو
duniya ki mehfilon se ukta gaya hoon ya rab
kya lutf anjuman ka jab dil hi bujh gaya ho
شورش سے بھاگتا ہوں دل ڈھونڈتا ہے میرا
ایسا سکوت جس پر تقریر بھی فدا ہو
shorish se bhagta hoon dil dhoondta hai mera
aisa sukut jis par taqrir bhi fida ho
مرتا ہوں خامشی پر یہ آرزو ہے میری
دامن میں کوہ کے اک چھوٹا سا جھونپڑا ہو
marta hoon khamshi par ye aarzu hai meri
daman mein koh ke ik chhota sa jhonpda ho
آزاد فکر سے ہوں عزلت میں دن گزاروں
دنیا کے غم کا دل سے کانٹا نکل گیا ہو
aazad fikr se hoon uzlat mein din guzarun
duniya ke gham ka dil se kaanta nikal gaya ho
لذت سرود کی ہو چڑیوں کے چہچہوں میں
چشمے کی شورشوں میں باجا سا بج رہا ہو
lazzat surood ki ho chidiyon ke chahchahon mein
chashme ki shorishon mein baaja sa baj raha ho
گل کی کلی چٹک کر پیغام دے کسی کا
ساغر ذرا سا گویا مجھ کو جہاں نما ہو
gul ki kali chatak kar paigham de kisi ka
saghar zara sa goya mujh ko jahan-numa ho
ہو ہاتھ کا سرہانا سبزے کا ہو بچھونا
شرمائے جس سے جلوت خلوت میں وہ ادا ہو
ho haath ka sirhana sabze ka ho bichhona
sharmaye jis se jalwat khalwat mein wo ada ho
مانوس اس قدر ہو صورت سے میری بلبل
ننھے سے دل میں اس کے کھٹکا نہ کچھ مرا ہو
manoos is qadar ho surat se meri bulbul
nanhe se dil mein us ke khatka na kuchh mera ho
صف باندھے دونوں جانب بوٹے ہرے ہرے ہوں
ندی کا صاف پانی تصویر لے رہا ہو
saf bandhe donon janib boote hare hare hon
nadi ka saaf pani tasvir le raha ho
ہو دل فریب ایسا کوہسار کا نظارہ
پانی بھی موج بن کر اٹھ اٹھ کے دیکھتا ہو
ho dil-farib aisa kohsar ka nazzara
pani bhi mauj ban kar uth uth ke dekhta ho
آغوش میں زمیں کی سویا ہوا ہو سبزہ
پھر پھر کے جھاڑیوں میں پانی چمک رہا ہو
aaghosh mein zamin ki soya hua ho sabza
phir phir ke jhadiyon mein pani chamak raha ho
پانی کو چھو رہی ہو جھک جھک کے گل کی ٹہنی
جیسے حسین کوئی آئینہ دیکھتا ہو
pani ko chhoo rahi ho jhuk jhuk ke gul ki tehni
jaise hasin koi aaina dekhta ho
مہندی لگائے سورج جب شام کی دلہن کو
سرخی لیے سنہری ہر پھول کی قبا ہو
mehndi lagaye suraj jab sham ki dulhan ko
surkhi liye sunahri har phool ki qaba ho
راتوں کو چلنے والے رہ جائیں تھک کے جس دم
امید ان کی میرا ٹوٹا ہوا دیا ہو
raaton ko chalne wale reh jayen thak ke jis dam
umeed un ki mera toota hua diya ho
بجلی چمک کے ان کو کٹیا مری دکھا دے
جب آسماں پہ ہر سو بادل گھرا ہوا ہو
bijli chamak ke un ko kutiya meri dikha de
jab aasman pe har su badal ghira hua ho
پچھلے پہر کی کوئل وہ صبح کی موذن
میں اس کا ہم نوا ہوں وہ میری ہم نوا ہو
pichhle pahar ki koel wo subh ki muazzin
main us ka hum-nawa hoon wo meri hum-nawa ho
کانوں پہ ہو نہ میرے دیر و حرم کا احساں
روزن ہی جھونپڑی کا مجھ کو سحر نما ہو
kaanon pe ho na mere dair-o-haram ka ehsan
rauzan hi jhonpdi ka mujh ko sahar-numa ho
پھولوں کو آئے جس دم شبنم وضو کرانے
رونا مرا وضو ہو نالہ مری دعا ہو
phoolon ko aaye jis dam shabnam wuzu karane
rona mera wuzu ho nala meri dua ho
اس خامشی میں جائیں اتنے بلند نالے
تاروں کے قافلے کو میری صدا درا ہو
is khamshi mein jayen itne buland nale
taron ke qafile ko meri sada dara ho
ہر دردمند دل کو رونا مرا رلا دے
بے ہوش جو پڑے ہیں شاید انہیں جگا دے
har dardmand dil ko rona mera rula de
be-hosh jo pade hain shayad unhen jaga de
