اوروں کا ہے پیام اور، میرا پیام اور ہے
عشق کے درد مند کا طرزِ کلام اور ہے
Auron ka hai payam aur, mera payam aur hai
Ishq ke dardmand ka tarz-e-kalam aur hai
طائرِ زیرِ دام کے نالے تو سن چکے ہو تم
یہ بھی سنو کہ نالۂ طائرِ بام اور ہے
Tair-e-zer-e-dam ke nale to sun chuke ho tum
Ye bhi suno ke nala-e-tair-e-baam aur hai
آتی تھی کوہ سے صدا رازِ حیات ہے سکوں
کہتا تھا مورِ ناتواں لطفِ خرام اور ہے
Aati thi koh se sada raz-e-hayat hai sukun
Kahta tha mor-e-natawan lutf-e-khiram aur hai
جذبِ حرم سے ہے فروغ انجمنِ حجاز کا
اس کا مقام اور ہے، اس کا نظام اور ہے
Jazb-e-haram se hai farogh anjuman-e-Hijaz ka
Is ka maqam aur hai, is ka nizam aur hai
موت ہے عیشِ جاوداں، ذوقِ طلب اگر نہ ہو
گردشِ آدمی ہے اور، گردشِ جام اور ہے
Maut hai aish-e-jawidan, zauq-e-talab agar na ho
Gardish-e-aadmi hai aur, gardish-e-jam aur hai
شمعِ سحر یہ کہہ گئی سوز ہے زندگی کا ساز
غم کدۂ نمود میں شرطِ دوام اور ہے
Sham'-e-sahar ye kah gai soz hai zindagi ka saz
Gham-kada-e-namud mein shart-e-dawam aur hai
بادہ ہے نیم رس ابھی، شوق ہے نارسا ابھی
رہنے دو خم کے سر پہ تم خشتِ کلیسیا ابھی
Bada hai nim-ras abhi, shauq hai na-rasa abhi
Rahne do khum ke sar pe tum khisht-e-kalisiya abhi
