یہ گلہ دل سے تو ہرگز نہیں جانا صاحب
سب نے جانا ہمیں پر تم نے نہ جانا صاحب
Ye gila dil se to hargiz nahin jaana sahab
Sab ne jaana hamen par tum ne na jaana sahab
ان بیانوں سے غرض ہم نے یہ جانا صاحب
آپ کو خون ہمارا ہے بہانا صاحب
In bayanon se gharaz hum ne ye jaana sahab
Aap ko khoon hamara hai bahana sahab
چھوڑ کر آپ کے کوچہ کو پھروں صحرا میں
سو تو مجنوں سا نہیں ہوں میں دوانا صاحب
Chhod kar aap ke kooche ko phiroon sahra mein
So to Majnun sa nahin hoon main diwana sahab
یاد تھے ہم کو جوانی میں تو سو مکر و فریب
اک کرشمہ تھا تمہیں دام میں لانا صاحب
Yaad the hum ko jawani mein to sau makr-o-fareb
Ik karishma tha tumhen daam mein lana sahab
