جب میں سنا کہ یار کا دل مجھ سے ہٹ گیا
سنتے ہی اس کے میرا کلیجہ الٹ گیا
Jab main suna ki yaar ka dil mujh se hat gaya
Sunte hi us ke mera kaleja ulat gaya
فرہاد تھا تو شیریں کے غم میں موا غریب
لیلیٰ کے غم میں آن کے مجنوں بھی لٹ گیا
Farhad tha to Shirin ke gham mein mua gharib
Laila ke gham mein aan ke Majnun bhi lut gaya
میں عشق کا جلا ہوں مرا کچھ نہیں علاج
وہ پیڑ کیا ہرا ہو جو جڑ سے اکھٹ گیا
Main ishq ka jala hun mera kuchh nahin ilaj
Wo ped kya hara ho jo jad se ukhat gaya
اتنا کوئی کہے کہ دوانے پڑا ہے کیا
جا دیکھ ابھی ادھر کوئی پریوں کا غٹ گیا
Itna koi kahe ki diwane pada hai kya
Ja dekh abhi idhar koi pariyon ka ghat gaya
چھینا تھا دل کو چشم نے لیکن میں کیا کروں
اوپر ہی اوپر اس صف مژگاں میں پٹ گیا
Chhina tha dil ko chashm ne lekin main kya karun
Upar hi upar us saf-e-mizhgan mein pat gaya
کیا کھیلتا ہے نٹ کی کلا آنکھوں آنکھوں میں
دل صاف لے لیا ہے جو پوچھا تو نٹ گیا
Kya khelta hai nat ki kala aankhon aankhon mein
Dil saaf le liya hai jo puchha to nat gaya
سن کر لگی یہ کہنے وہ عیار نازنیں
کیا بولیں چل ہمارا تو دل تجھ سے پھٹ گیا
Sun kar lagi ye kehne wo ayyar naznin
Kya bolen chal hamara to dil tujh se phat gaya
ایسی وہ بھاری مجھ سے ہوئی کون سی خطا
جس سے یہ دل اداس ہوا جی اچٹ گیا
Aisi wo bhari mujh se hui kaun si khata
Jis se ye dil udas hua ji uchat gaya
آنکھیں تمہاری کیا پھریں اس وقت میری جان
سچ پوچھئے تو مجھ سے زمانہ الٹ گیا
Aankhen tumhari kya phiren us waqt meri jaan
Sach puchhiye to mujh se zamana ulat gaya
کتنا ہی اس نے تن کو چھڑایا جھڑک جھڑک
پر میں بھی قینچی باندھ کے ایسا چمٹ گیا
Kitna hi us ne tan ko chhudaya jhidak jhidak
Par main bhi qainchi bandh ke aisa chimat gaya
یہ کشمکش ہوئی کہ گریباں مرا ادھر
ٹکڑے ہوا اور اس کا دوپٹہ بھی پھٹ گیا
Ye kashmakash hui ki gareban mera idhar
Tukde hua aur us ka dupatta bhi phat gaya
آخر اسی بہانے ملا یار سے نظیرؔ
کپڑے بلا سے پھٹ گئے سودا تو پٹ گیا
Akhir isi bahane mila yaar se Nazir
Kapde bala se phat gaye sauda to pat gaya
