گر عیش سے عشرت میں کٹی رات تو پھر کیا
اور غم میں بسر ہو گئی اوقات تو پھر کیا
Gar aish se ishrat mein kati raat to phir kya
Aur gham mein basar ho gayi auqat to phir kya
جب آئی اجل پھر کوئی ڈھونڈا بھی نہ پایا
قصوں میں رہے حرف و حکایات تو پھر کیا
Jab aayi ajal phir koi dhunda bhi na paya
Qisson mein rahe harf-o-hikayat to phir kya
دو دن اگر ان آنکھوں نے دنیا میں مری جاں
کی ناز و اداؤں کی اشارات تو پھر کیا
Do din agar in aankhon ne duniya mein meri jaan
Ki naz-o-adaon ki isharat to phir kya
پھر اڑ گئی اک آن میں سب حشمت و سب شان
لے شرق سے تا غرب لگا ہات تو پھر کیا
Phir ud gayi ek aan mein sab hashmat-o-sab shan
Le sharq se ta gharb laga haat to phir kya
اسپ و شتر و فیل و خر و نوبت و لشکر
گر قبر تلک اپنے چلا سات تو پھر کیا
Asp-o-shutur-o-fil-o-khar-o-naubat-o-lashkar
Gar qabr talak apne chala saat to phir kya
جب آئی اجل پھر وہیں اٹھ بھاگے شتابی
رندوں میں ہوئے اہل خرابات تو پھر کیا
Jab aayi ajal phir wahin uth bhage shitabi
Rindon mein hue ahl-e-kharabat to phir kya
اس عمر دو روزہ میں اگر ہو کے نجومی
سب چھان لیے ارض و سماوات تو پھر کیا
Is umr-e-do-roza mein agar ho ke najumi
Sab chhan liye arz-o-samawat to phir kya
اک دم میں ہوا ہو گئے سب عملی و نظری
تھے یاد جو اسباب و علامات تو پھر کیا
Ek dam mein hawa ho gaye sab amali-o-nazari
The yaad jo asbab-o-alamat to phir kya
اس نے کوئی دن بیٹھ کے آرام سے کھایا
وہ مانگتا در در پھرا خیرات تو پھر کیا
Us ne koi din baith ke aaram se khaya
Wo mangta dar dar phira khairat to phir kya
دولت ہی کا ملنا ہے بڑی چیز نظیرؔ آہ
بالفرض ہوئی اس سے ملاقات تو پھر کیا
Daulat hi ka milna hai badi chiz Nazir aah
Bil-farz hui us se mulaqat to phir kya
