بحر ہستی میں صحبت احباب
یوں ہے جیسے بروئے آب حباب
Bahr-e-hasti mein sohbat-e-ahbab
Yun hai jaise ba-ru-e-aab habab
گردش آسماں میں ہم کیا ہیں
پر کاہے میانۂ گرداب
Gardish-e-asman mein hum kya hain
Par-e-kahe miyana-e-girdab
بادۂ ناب کیا ہے خون جگر
زردئ رنگ ہے شب مہتاب
Bada-e-nab kya hai khun-e-jigar
Zardi-e-rang hai shab-e-mahtab
جس کو رقص و سرود کہتے ہیں
وہ بھی ہے اک ہوائے خانہ خراب
Jis ko raqs-o-surod kehte hain
Wo bhi hai ek hawa-e-khana-kharab
عمر کہتے ہیں جس کو وہ کیا ہے
مثل تحریر موج نقش بر آب
Umr kehte hain jis ko wo kya hai
Misl-e-tahrir-e-mauj naqsh bar aab
جسم کیا روح کی ہے جولا نگاہ
روح کیا اک سوار پا بہ رکاب
Jism kya ruh ki hai jaulangah
Ruh kya ek sawar pa-ba-rikab
حسن اور عشق کیا ہیں یہ بھی ہیں
خطفہ برق و قطرۂ سیماب
Husn aur ishq kya hain ye bhi hain
Khatfa-e-barq-o-qatra-e-simab
زندگانی و مرگ بھی کیا ہیں
ایک مثل خیال و دیگر خواب
Zindagani-o-marg bhi kya hain
Ek misl-e-khayal-o-digar khwab
فرصت عمر قطرۂ شبنم
وصل محبوب گوہر نایاب
Fursat-e-umr qatra-e-shabnam
Wasl-e-mahbub gauhar-e-nayab
کیوں نہ عشرت دو چند ہو جو ہے
یار مہ چہرہ اور شب مہتاب
Kyun na ishrat do-chand ho jo hai
Yaar mah-chehra aur shab-e-mahtab
سب کتابوں کے کھل گئے معنی
جب سے دیکھی نظیرؔ دل کی کتاب
Sab kitabon ke khul gaye mani
Jab se dekhi Nazir dil ki kitab
