نہ سرخی غنچۂ گل میں ترے دہن کی سی
نہ یاسمن میں صفائی ترے بدن کی سی
Na surkhi ghuncha-e-gul mein tire dahan ki si
Na yasman mein safai tire badan ki si
میں کیوں نہ پھولوں کہ اس گل بدن کے آنے سے
بہار آج مرے گھر میں ہے چمن کی سی
Main kyun na phoolun ki us gul-badan ke aane se
Bahar aaj mere ghar mein hai chaman ki si
یہ برق ابر میں دیکھے سے یاد آتی ہے
جھلک کسی کے دوپٹے میں نورتن کی سی
Ye barq abr mein dekhe se yaad aati hai
Jhalak kisi ke dupatte mein nauratan ki si
گلوں کے رنگ کو کیا دیکھتے ہو اے خوباں
یہ رنگتیں ہیں تمہارے ہی پیرہن کی سی
Gulon ke rang ko kya dekhte ho ai khooban
Ye rangaten hain tumhare hi pairahan ki si
جو دل تھا وصل میں آباد تیرے ہجر میں آہ
بنی ہے شکل اب اس کی اجاڑ بن کی سی
Jo dil tha wasl mein aabad tere hijr mein aah
Bani hai shakl ab us ki ujaad ban ki si
تو اپنے تن کو نہ دے نسترن سے اب تشبیہ
بھلا تو دیکھ یہ نرمی ہے تیرے تن کی سی
Tu apne tan ko na de nastaran se ab tashbih
Bhala tu dekh ye narmi hai tere tan ki si
ترا جو پاؤں کا تلوا ہے بزم مخمل سا
صفائی اس میں ہے کہیے تو نسترن کی سی
Tira jo paon ka talwa hai bazm-e-makhmal sa
Safai us mein hai kahiye to nastaran ki si
نظیرؔ ایک غزل اس زمیں میں اور بھی لکھ
کہ اب تو کم ہے روانی ترے سخن کی سی
Nazir ek ghazal is zamin mein aur bhi likh
Ki ab to kam hai rawani tire sukhan ki si
