بھرے ہیں اس پری میں اب تو یارو سر بسر موتی
گلے میں کان میں نتھ میں جدھر دیکھو ادھر موتی
Bhare hain is pari mein ab to yaaro sar-ba-sar moti
Gale mein kaan mein nath mein jidhar dekho udhar moti
کوئی بندوں سے مل کر کان کے نرموں میں ہلتا ہے
یہ کچھ لذت ہے جب اپنا چھداتے ہیں جگر موتی
Koi bundon se mil kar kaan ke narmon mein hilta hai
Ye kuchh lazzat hai jab apna chhidate hain jigar moti
فلک پر دیکھ کر تارے بھی اپنا ہوش کھوتے ہیں
پہن کر جس گھڑی بیٹھے ہے وہ رشک قمر موتی
Falak par dekh kar taare bhi apna hosh khote hain
Pahan kar jis ghadi baithe hai wo rashk-e-qamar moti
جو کہتا ہو ارے ظالم ٹک اپنا نام تو بتلا
تو ہنس کر مجھ سے یہ کہتی ہے وہ جادو نظر موتی
Jo kahta ho are zalim tuk apna naam to batla
To hans kar mujh se ye kahti hai wo jadu-nazar moti
وہ دریا موتیوں کا ہم سے روٹھا ہو تو پھر یارو
بھلا کیونکر نہ برسا دے ہماری چشم تر موتی
Wo dariya motiyon ka hum se rootha ho to phir yaaro
Bhala kyunkar na barsa de hamari chashm-e-tar moti
نظیرؔ اس ریختے کو سن وہ ہنس کر یوں لگی کہنے
اگر ہوتے تو میں دیتی تجھے اک تھال بھر موتی
Nazir is rekhte ko sun wo hans kar yun lagi kahne
Agar hote to main deti tujhe ik thaal bhar moti
