سحر ہم نے چمن اندر عجب دیکھا کل اک دل بر
سہی قامت پری پیکر مقطع وضع خوش منظر
Sahar hum ne chaman andar ajab dekha kal ik dilbar
Sahi-qamat pari-paikar muqatta waza khush-manzar
سخن بر غنچہ لب گل رو جبین مہر اور کماں ابرو
دو چشم شوخ پر جادو نگہ تیر اور مژہ نشتر
Sukhan bar ghuncha lab gul-ru jabin mehr aur kaman abru
Do chashm-e-shokh pur-jadu nigah teer aur mizha nashtar
شمیم زلف مشک افشاں تغافل سو ستم ساماں
غرور اور ناز بے پایاں مزاج اور طبع نازک تر
Shamim-e-zulf mushk-afshan taghaful sau sitam-saman
Ghurur aur naz be-payan mizaj aur taba nazuk-tar
یہ دیکھا ہم نے جب عالم تو رکھ دل ہاتھ پر ہمدم
کہا ہیں نذر کرتے ہم جو لے لیجے تو ہے بہتر
Ye dekha hum ne jab aalam to rakh dil haath par hamdam
Kaha hain nazr karte hum jo le lije to hai behtar
کہا لے جا تو اپنا دل کہ تو کیا اور تیرا دل
نہ لیویں ہم تو ایسا دل کہا جب ہم نے یوں ہنس کر
Kaha le ja tu apna dil ki tu kya aur tera dil
Na lewen hum to aisa dil kaha jab hum ne yun hans kar
جو نامنظور کرتے ہو تو کر دو یہ کب اٹھتا ہے
ہے جب تک دم میں دم اس کے رہے گا یہ اسی در پر
Jo na-manzoor karte ho to kar do ye kab uthta hai
Hai jab tak dam mein dam is ke rahega ye isi dar par
نظیرؔ اس نے سنا یہ جب تو بولا یوں وہ شیریں لب
ہمارا ہو چکا یہ اب بس اس قصے کو کوتہ کر
Nazir us ne suna ye jab to bola yun wo shirin-lab
Hamara ho chuka ye ab bas is qisse ko kotah kar
