ہم میں بھی اور انہوں میں پہلے جو یاریاں تھیں
دونوں دلوں میں کیا کیا امیدواریاں تھیں
Hum mein bhi aur unhon mein pahle jo yaariyan thin
Donon dilon mein kya kya ummeedwariyan thin
وہ منتظر کہ آویں ہم پر تپش کہ جاویں
اس ڈھب کی ہر دو جانب بے اختیاریاں تھیں
Wo muntazir ki aawen hum par tapish ki jaawen
Is dhab ki har do janib be-ikhtiyariyan thin
نہ ضبط ہے نگہ کا نہ رک سکے نظارہ
کیا شوق ورزیاں تھیں کیا بے قراریاں تھیں
Na zabt hai nigah ka na ruk sake nazara
Kya shauq-warziyan thin kya be-qarariyan thin
اٹھنے میں بیٹھنے میں ہنسنے میں بولنے میں
کچھ بے شعوریاں تھیں کچھ ہوشیاریاں تھیں
Uthne mein baithne mein hansne mein bolne mein
Kuchh be-shuuriyan thin kuchh hoshiyariyan thin
جس جا نظیرؔ آ کر ہوتی ہیں الفتیں تو
واں ایسی ایسی کتنی عشرت شعاریاں تھیں
Jis ja Nazir aa kar hoti hain ulfaten to
Waan aisi aisi kitni ishrat-shiariyan thin
