کچھ تو ہو کر دو بدو کچھ ڈرتے ڈرتے کہہ دیا
دل پہ جو گزرا تھا ہم نے آگے اس کے کہہ دیا
Kuchh to ho kar du-ba-du kuchh darte darte kah diya
Dil pe jo guzra tha hum ne aage us ke kah diya
باتوں باتوں میں جو ہم نے درد دل کا بھی کہا
سن کے بولا تو نے یہ کیا بکتے بکتے کہہ دیا
Baton baton mein jo hum ne dard-e-dil ka bhi kaha
Sun ke bola tu ne ye kya bakte bakte kah diya
اب کہیں کیا اس سے ہمدم دل لگاتے وقت آہ
تھا جو کچھ کہنا سو وہ تو ہم نے پہلے کہہ دیا
Ab kahen kya us se hamdam dil lagate waqt aah
Tha jo kuchh kahna so wo to hum ne pahle kah diya
چاہ رکھتے تھے چھپائے ہم تو لیکن اس کا بھید
کچھ تو ہم نے سامنے اس ہم نشیں کے کہہ دیا
Chaah rakhte the chhupaye hum to lekin us ka bhed
Kuchh to hum ne samne us hum-nashin ke kah diya
یہ ستم دیکھو ذرا منہ سے نکلتے ہی نظیرؔ
اس نے اس سے اس نے اس سے کہہ دیا
Ye sitam dekho zara munh se nikalte hi Nazir
Us ne us se us ne us se kah diya
