نہ میں دل کو اب ہر مکاں بیچتا ہوں
کوئی خوب رو لے تو ہاں بیچتا ہوں
Na main dil ko ab har makan bechta hun
Koi khub-ru le to haan bechta hun
وہ مے جس کو سب بیچتے ہیں چھپا کر
میں اس مے کو یارو عیاں بیچتا ہوں
Wo mai jis ko sab bechte hain chhupa kar
Main us mai ko yaro ayan bechta hun
ذرا میری ہمت تو دیکھو عزیزو
کہاں کی ہے جنس اور کہاں بیچتا ہوں
Zara meri himmat to dekho azizo
Kahan ki hai jins aur kahan bechta hun
لیے ہاتھ پر دل کو پھرتا ہوں یارو
کوئی مول لیوے تو ہاں بیچتا ہوں
Liye haath par dil ko phirta hun yaro
Koi mol liwe to haan bechta hun
وہ کہتا ہے جی کوئی بیچے تو ہم لیں
تو کہتا ہوں لو ہاں میاں بیچتا ہوں
Wo kehta hai ji koi beche to hum len
To kehta hun lo haan miyan bechta hun
جو پورا خریدار پاؤں تو یارو
میں یہ سب زمین و زماں بیچتا ہوں
Jo pura kharidar paun to yaro
Main ye sab zamin-o-zaman bechta hun
جسے مول لینا ہو لے لے خوشی سے
میں اس وقت دونوں جہاں بیچتا ہوں
Jise mol lena ho le le khushi se
Main is waqt donon jahan bechta hun
بکی جنس خالی دکاں رہ گئی ہے
سو اب اس دکاں کو بھی ہاں بیچتا ہوں
Biki jins khali dukan reh gayi hai
So ab is dukan ko bhi haan bechta hun
محبت کے بازار میں اے نظیرؔ اب
میں عاجز غریب اپنی جاں بیچتا ہوں
Mohabbat ke bazar mein ae Nazir ab
Main aajiz gharib apni jaan bechta hun
