اگر ہے منظور یہ کہ ہووے ہمارے سینے کا داغ ٹھنڈا
تو آ لپٹئے گلے سے اے جاں جھمک سے کر جھپ چراغ ٹھنڈا
Agar hai manzur ye ki howe hamare sine ka dagh thanda
To aa lipatiye gale se ae jaan jhamak se kar jhap chiragh thanda
ہم اور تم جاں اب اس قدر تو محبتوں میں ہیں ایک تن من
لگایا تم نے جبیں پہ صندل ہوا ہمارا دماغ ٹھنڈا
Hum aur tum jaan ab is qadar to mohabbaton mein hain ek tan man
Lagaya tum ne jabin pe sandal hua hamara dimagh thanda
لبوں سے لگتے ہی ہو گئی تھی تمام سردی دل و جگر میں
دیا تھا ساقی نے رات ہم کو کچھ ایسے مے کا ایاغ ٹھنڈا
Labon se lagte hi ho gayi thi tamam sardi dil-o-jigar mein
Diya tha saqi ne raat hum ko kuchh aise mai ka ayagh thanda
درخت بھیگے ہیں کل کے مینہ سے چمن چمن میں بھرا ہے پانی
جو سیر کیجے تو آج صاحب عجب طرح کا ہے باغ ٹھنڈا
Darakht bhige hain kal ke meinh se chaman chaman mein bhara hai pani
Jo sair kije to aaj sahib ajab tarah ka hai bagh thanda
وہی ہے کامل نظیرؔ اس جا وہی ہے روشن دل اے عزیزو
ہوا سے دنیا کی جس کے دل کا نہ ہووے ہرگز چراغ ٹھنڈا
Wahi hai kamil Nazir is ja wahi hai raushan-dil ae azizo
Hawa se duniya ki jis ke dil ka na howe hargiz chiragh thanda
