لے کے دل مہر سے پھر رسم جفا کاری کیا
تم دل آرام ہو کرتے ہو دل آزاری کیا
Le ke dil mehr se phir rasm-e-jafa-kari kya
Tum dil-aaram ho karte ho dil-aazari kya
تم سے جو ہو سو کرو ہم نہیں ہونے کے خفا
کچھ ہمیں اور سے کرنی ہے نئی یاری کیا
Tum se jo ho so karo hum nahin hone ke khafa
Kuchh hamen aur se karni hai nai yaari kya
جوں حباب آئے ہیں ملنے کو نہ ہو چیں بہ جبیں
ہم سے اک دم کے لیے کرتے ہو بے زاری کیا
Jun habab aaye hain milne ko na ho chin-ba-jabin
Hum se ik dam ke liye karte ho be-zari kya
تیغ ابرو کی تو الفت نے کیا دل کو دو نیم
دیکھیں اب کرتی ہے کاکل کی گرفتاری کیا
Tegh-e-abru ki to ulfat ne kiya dil ko do-nim
Dekhen ab karti hai kakul ki giraftari kya
پھر سناں مژۂ دل پر وہ اٹھاتا ہے نظیرؔ
زخم شمشیر نگہ آہ نہیں کاری کیا
Phir sinan mizha-e-dil par wo uthata hai Nazir
Zakhm-e-shamshir-e-nigah aah nahin kari kya
