جو تم نے پوچھا تو حرف الفت بر آیا صاحب ہمارے لب سے
سو اس کو سن کر ہوے خفا تم نہ کہتے تھے ہم اسی سبب سے
Jo tum ne poochha to harf-e-ulfat bar aaya sahib hamare lab se
So us ko sun kar hue khafa tum na kahte the hum isi sabab se
نہ دیتے ہم تو کبھی دل اپنا نہ ہوتے ہرگز خراب و رسوا
ولے کریں کیا کہ تم نے ہم کو دکھائیں جھمکیں عجب ہی چھب سے
Na dete hum to kabhi dil apna na hote hargiz kharab-o-ruswa
Wale karen kya ki tum ne hum ko dikhain jhamken ajab hi chhab se
وہ جعد مشکیں جو دن کو دیکھے تو یاد اس کی میں شام ہی سے
یہ پیچ و تاب آ کے دل سے الجھے کہ پھر سحر تک نہ سلجھے شب سے
Wo jaad-e-mushkin jo din ko dekhe to yaad us ki mein sham hi se
Ye pech-o-taab aa ke dil se uljhe ki phir sahar tak na suljhe shab se
لگائی فندق جو ہم نے اس کی کلائی پکڑی تو ہنس کے بولا
یہ انگلی پہنچے کی یاں نہ ٹھہری بس آپ رہئے ذرا ادب سے
Lagai fandaq jo hum ne us ki kalai pakdi to hans ke bola
Ye ungli pahunche ki yaan na thahri bas aap rahiye zara adab se
کہا تھا ہم کچھ کہیں گے تم سے کہا تو ایسا کہ ہم نہ سمجھے
سمجھتے کیوں کر کہ اس نے لب سے سخن نکالا کچھ ایسے ڈھب سے
Kaha tha hum kuchh kahenge tum se kaha to aisa ki hum na samjhe
Samajhte kyun kar ki us ne lab se sukhan nikala kuchh aise dhab se
کسی نے پوچھا نظیرؔ کو بھی تمہاری محفل میں بار ہوگا
کہا کہ ہوگا وہ بولا کب سے کہا کبھو کا کبھی، نہ اب سے
Kisi ne poochha Nazir ko bhi tumhari mehfil mein baar hoga
Kaha ki hoga wo bola kab se kaha kabhu ka kabhi na ab se
