کہتے ہیں جس کو نظیرؔ سنیے ٹک اس کا بیاں
تھا وہ معلم غریب بزدل و ترسندہ جاں
Kahte hain jis ko Nazir suniye tuk us ka bayan
Tha wo muallim gharib buzdil-o-tarsanda-jaan
کوئی کتاب اس کے تئیں صاف نہ تھی درس کی
آئے تو معنی کہے ورنہ پڑھائی رواں
Koi kitab us ke tain saaf na thi dars ki
Aaye to mani kahe warna padhai rawan
فہم نہ تھا علم سے کچھ عربی کے اسے
فارسی میں ہاں مگر سمجھے تھا کچھ این و آں
Fahm na tha ilm se kuchh arabi ke use
Farsi mein haan magar samjhe tha kuchh in-o-aan
لکھنے کی یہ طرز تھی کچھ جو لکھے تھا کبھی
پختگی و خامی کے اس کا تھا خط درمیاں
Likhne ki ye tarz thi kuchh jo likhe tha kabhi
Pukhtagi-o-khami ke us ka tha khat darmiyan
شعر و غزل کے سوا شوق نہ تھا کچھ اسے
اپنے اسی شغل میں رہتا تھا خوش ہر زماں
Sher-o-ghazal ke siwa shauq na tha kuchh use
Apne isi shughl mein rahta tha khush har zaman
سست روش پست قد سانولا ہندی نژاد
تن بھی کچھ ایسا ہی تھا قد کے موافق عیاں
Sust-rawish past-qad sanwla Hindi-nazhad
Tan bhi kuchh aisa hi tha qad ke muwafiq ayan
ماتھے پہ اک خال تھا چھوٹا سا مسے کے طور
تھا وہ پڑا آن کر ابرووں کے درمیاں
Mathe pe ik khaal tha chhota sa masse ke taur
Tha wo pada aan kar abruon ke darmiyan
وضع سبک اس کی تھی تس پہ نہ رکھتا تھا ریش
موچھیں تھیں اور کانوں پر پٹے بھی تھے پنبہ ساں
Waz-e-subuk us ki thi tis pe na rakhta tha resh
Moonchhen thin aur kanon par patte bhi the pamba-san
پیری میں جیسی کہ تھی اس کو دل افسردگی
ویسی ہی رہی تھی ان دنوں جن دنوں میں تھا جواں
Piri mein jaisi ki thi us ko dil-afsurdagi
Waisi hi rahi thi un dinon jin dinon mein tha jawan
جتنے غرض کام ہیں اور پڑھانے سوا
چاہئے کچھ اس سے ہوں اتنی لیاقت کہاں
Jitne gharaz kaam hain aur padhane siwa
Chahiye kuchh us se hon itni liyaqat kahan
