ادا و ناز میں کچھ کچھ جو ہوش اس نے سنبھالا ہے
تو اپنے حسن کا کیا کیا دلوں میں شور ڈالا ہے
Ada-o-naz mein kuchh kuchh jo hosh us ne sambhala hai
To apne husn ka kya kya dilon mein shor dala hai
ابھی کیا عمر ہے کیا عقل ہے کیا فہم ہے لیکن
ابھی سے دل فریبی کا لہر اک نقشہ نرالا ہے
Abhi kya umr hai kya aql hai kya fahm hai lekin
Abhi se dil-farebi ka lahar ik naqsha nirala hai
ابھی نوک نگہ میں اس قدر تیزی نہیں تس پر
کئی زخمی کیے ہیں اور کئی کو مار ڈالا ہے
Abhi nok-e-nigah mein is qadar tezi nahin tis par
Kai zakhmi kiye hain aur kai ko maar dala hai
اکڑنا تن کے چلنا دھج بنانا وضع دکھلانا
کبھی نیمہ کبھی چپکن کبھی خالی دوشالا ہے
Akadna tan ke chalna dhaj banana waza dikhlana
Kabhi nima kabhi chapkan kabhi khali dushala hai
کسی کے ساتھ کاندھے پر کسی کے لات سینے پر
کہیں نفرت کہیں الفت کہیں حیلہ حوالا ہے
Kisi ke saath kandhe par kisi ke laat seene par
Kahin nafrat kahin ulfat kahin heela-hawala hai
نظیرؔ ایسا ہی دلبر شہرۂ آفاق ہوتا ہے
ابھی سے دیکھیے فتنے نے کیسا ڈھب نکالا ہے
Nazir aisa hi dilbar shohra-e-aafaq hota hai
Abhi se dekhiye fitne ne kaisa dhab nikala hai
