کس کے لیے کیجئے جامۂ دیبا طلب
دل تو کرے ہے مدام دامن صحرا طلب
Kis ke liye kijiye jama-e-diba talab
Dil to kare hai mudam daman-e-sahra talab
کام روا ہوں بھلا اس سے ہم اب کس طرح
اس کو تمنا نہیں ہم ہیں تمنا طلب
Kaam rawa hon bhala us se hum ab kis tarah
Us ko tamanna nahin hum hain tamanna-talab
کس سے کہیں کیا کریں ہے یہ تماشا کی بات
وہ تو ہے پردہ نشیں ہم ہیں تماشا طلب
Kis se kahen kya karen hai ye tamasha ki baat
Wo to hai parda-nashin hum hain tamasha-talab
کہئے تو کس کس کے اب غور کرے وہ طبیب
جس کے طلب گار ہوں لاکھ مداوا طلب
Kahiye to kis kis ke ab ghaur kare wo tabib
Jis ke talabgar hon lakh mudawa-talab
ایک تمنا ہو تو یار سے کہئے نظیرؔ
دل ہے پر از آرزو کیجئے کیا کیا طلب
Ek tamanna ho to yaar se kahiye Nazir
Dil hai pur-az-aarzu kijiye kya kya talab
