ہوش و خرد کو کر دیا ترک اور شغل جو کچھ تھا چھوڑ دیا
ہم نے تمہاری چاہ میں اے جاں دیکھو تو کیا کیا چھوڑ دیا
Hosh-o-khirad ko kar diya tark aur shaghl jo kuchh tha chhod diya
Hum ne tumhari chaah mein ai jaan dekho to kya kya chhod diya
کوچے میں اس رشک چمن کے جا کے جو بیٹھا پھر اس نے
باغ و چمن یاں جتنے ہیں سب کا سیر و تماشا چھوڑ دیا
Kooche mein us rashk-e-chaman ke ja ke jo baitha phir us ne
Bagh-o-chaman yaan jitne hain sab ka sair-o-tamasha chhod diya
دن کو ہمارے پاس وہ چنچل کاہے کو آوے گا اے دل
رات کو اک دم خواب میں آنا جس نے ادھر کا چھوڑ دیا
Din ko hamare paas wo chanchal kahe ko aawega ai dil
Raat ko ik dam khwab mein aana jis ne idhar ka chhod diya
طائر دل جب ہم سے گیا پھر فائدہ کیا جو پوچھیں نظیرؔ
شوخ نے اس کو ذبح کیا یا قید رکھا یا چھوڑ دیا
Tair-e-dil jab hum se gaya phir faida kya jo poochhen Nazir
Shokh ne us ko zabh kiya ya qaid rakha ya chhod diya
