کون یاں ساتھ لیے تاج و سریر آیا ہے
یاں تو جو آیا ہے پہلے سو فقیر آیا ہے
Kaun yaan saath liye taj-o-sarir aaya hai
Yaan to jo aaya hai pahle so faqir aaya hai
عشق لایا ہے فقط ایک ہی سینے کی سپر
حسن باندھے ہوئے سو ترکش و تیر آیا ہے
Ishq laya hai faqat ek hi sine ki sipar
Husn bandhe hue sau tarkash-o-tir aaya hai
کل کسی شخص نے اس شوخ سے جا کر یہ کہا
آج در پر ترے اک عاشق پیر آیا ہے
Kal kisi shakhs ne us shokh se ja kar ye kaha
Aaj dar par tire ik aashiq-e-pir aaya hai
پشت خم کردہ عصا ہاتھ میں گردن ہلتی
ضعف پیری سے نہایت ہی حقیر آیا ہے
Pusht kham karda asa hath mein gardan hilti
Zof-e-piri se nihayat hi haqir aaya hai
سن کے یہ شکل و شباہت تیری اس شوخ نے آہ
وہیں معلوم کیا یہ کہ نظیرؔ آیا ہے
Sun ke ye shakl-o-shabahat tiri us shokh ne aah
Wahin maloom kiya ye ki Nazir aaya hai
