نگہ کے سامنے اس کا جوں ہی جمال ہوا
وہ دل ہی جانے ہے اس دم جو دل کا حال ہوا
Nigah ke samne us ka jun hi jamal hua
Wo dil hi jaane hai us dam jo dil ka haal hua
اگر کہوں میں کہ چمکا وہ برق کی مانند
تو کب مثل ہے یہ اس کی جو بے مثال ہوا
Agar kahun main ki chamka wo barq ki manind
To kab misal hai ye us ki jo be-misal hua
قرار و ہوش کا جانا تو کس شمار میں ہے
غرض پھر آپ میں آنا مجھے محال ہوا
Qarar-o-hosh ka jana to kis shumar mein hai
Gharaz phir aap mein aana mujhe muhal hua
ادھر سے بھر دیا مے نے نگاہ کا ساغر
ادھر سے زلف کا حلقہ گلے کا جال ہوا
Idhar se bhar diya mai ne nigah ka saghar
Udhar se zulf ka halqa gale ka jaal hua
بہار حسن وہ آئے نظر جو اس کی نظیرؔ
تو دل وہیں چمن عشق میں نہال ہوا
Bahar-e-husn wo aaye nazar jo us ki Nazir
To dil wahin chaman-e-ishq mein nihal hua
