قصر رنگیں سے گزر باغ و گلستاں سے نکل
ہے وفا پیشہ تو مت کوچۂ جاناں سے نکل
Qasr-e-rangin se guzar bagh-o-gulistan se nikal
Hai wafa-pesha to mat kucha-e-janan se nikal
نکہت زلف یہ کس کی ہے کہ جس کے آگے
ہوئی خجلت زدہ بو سنبل و ریحاں سے نکل
Nakhat-e-zulf ye kis ki hai ki jis ke aage
Hui khajlat-zada bu sumbul-o-raihan se nikal
گو بہار اب ہے ولے روز خزاں اے بلبل
یک قلم نرگس و گل جاویں گے بستاں سے نکل
Go bahar ab hai wale roz-e-khizan ai bulbul
Yak-qalam nargis-o-gul jawenge bustan se nikal
امتحاں کرنے کو یوں دل سے کہا ہم نے رات
اے دل غمزدہ اس کاکل پیچاں سے نکل
Imtihan karne ko yun dil se kaha hum ne raat
Ai dil-e-ghamzada is kakul-e-pechan se nikal
کھا کے سو پیچ کہا میں تو نکلنے کا نہیں
مگر اے دشمن جاں چل تو مرے ہاں سے نکل
Kha ke sau pech kaha main to nikalne ka nahin
Magar ai dushman-e-jaan chal tu mire haan se nikal
ہو پریشانی سے جس کی مجھے سو جمعیت
کس طرح جاؤں میں اس زلف پریشاں سے نکل
Ho pareshani se jis ki mujhe sau jamiyat
Kis tarah jaun main us zulf-e-pareshan se nikal
لاکھ زندان پر آفات میں ہوتا ہے وہ قید
جو کوئی جاتا ہے اس طور کے زنداں سے نکل
Lakh zindan-e-pur-aafat mein hota hai wo qaid
Jo koi jaata hai is taur ke zindan se nikal
مجھ سے ممکن نہیں محبوب کی قطع الفت
گرچہ میں جاؤں گا اس عالم امکاں سے نکل
Mujh se mumkin nahin mahboob ki qata-e-ulfat
Garche main jaunga is aalam-e-imkan se nikal
