کہا تھا ہم نے تجھے تو اے دل کہ چاہ کی مے کو تو نہ پینا
جو اس کو پی کر تو ایسا بہکا کہ ہم کو مشکل ہوا ہے جینا
Kaha tha hum ne tujhe to ai dil ki chaah ki mai ko tu na peena
Jo us ko pi kar tu aisa bahka ki hum ko mushkil hua hai jeena
جو آنکھیں چنچل کی دیکھیں ہم نے تو نوک مژگاں نے دل کو چھیدا
نگہ نے ہوش و خرد کو لوٹا ادا نے صبر و قرار چھینا
Jo aankhen chanchal ki dekhin hum ne to nok-e-mizhgan ne dil ko chheda
Nigah ne hosh-o-khirad ko loota ada ne sabr-o-qarar chheena
کہا جو ہم نے کہ آن لگیے ہمارے سینے سے اس دم اے جاں
تو سن کے اس نے حیا کی ایسی کہ آیا منہ پر وہیں پسینہ
Kaha jo hum ne ki aan lagiye hamare seene se is dam ai jaan
To sun ke us ne haya ki aisi ki aaya munh par wahin paseena
کیا ہے غصہ میں ہاتھ لا کر مرا گریباں جو ٹکڑے اس نے
پھٹا ہی رہنا ہے اب تو بہتر نہیں مناسب کچھ اس کو سینا
Kiya hai ghusse mein haath la kar mira gireban jo tukde us ne
Phata hi rahna hai ab to behtar nahin munasib kuchh us ko seena
کہا تھا آؤں گا دو ہی دن میں ولے نہ آیا وہ شوخ اب تک
گنا جو ہم نے نظیرؔ دل میں تو اس سخن کو ہوا مہینہ
Kaha tha aaunga do hi din mein wale na aaya wo shokh ab tak
Gina jo hum ne Nazir dil mein to us sukhan ko hua mahina
