کل جو رخ عرق فشاں یار نے ٹک دکھا دیا
پانی چھڑک کے خواب سے فتنے کو پھر جگا دیا
Kal jo rukh-e-araq-fishan yaar ne tuk dikha diya
Pani chhidak ke khwab se fitne ko phir jaga diya
میرا اور اس کا اختلاط ہو گیا مثل ابر و برق
اس نے مجھے رلا دیا میں نے اسے ہنسا دیا
Mera aur us ka ikhtilat ho gaya misl-e-abr-o-barq
Us ne mujhe rula diya main ne use hansa diya
میں ہوں پتنگ کاغذی ڈور ہے اس کے ہاتھ میں
چاہا ادھر گھٹا دیا چاہا ادھر بڑھا دیا
Main hoon patang kaghazi dor hai us ke haath mein
Chaha idhar ghata diya chaha idhar badha diya
تیشے کی کیا مجال تھی یہ جو تراشے بے ستوں
تھا وو تمام دل کا زور جس نے پہاڑ ڈھا دیا
Teshe ki kya majal thi ye jo tarashe Be-sutun
Tha wo tamam dil ka zor jis ne pahad dha diya
شکوہ ہمارا ہے بجا مفت بروں سے کس لیے
ہم نے تو اپنا دل دیا ہم کو کسی نے کیا دیا
Shikwa hamara hai baja muft-baron se kis liye
Hum ne to apna dil diya hum ko kisi ne kya diya
سن کے ہمارے حال کا یار نے اک سخن نظیرؔ
ہنس کے کہا کہ بس جی بس تم نے تو سر پھرا دیا
Sun ke hamare haal ka yaar ne ik sukhan Nazir
Hans ke kaha ki bas ji bas tum ne to sar phira diya
