مرا دل ہے مشتاق اس گل بدن کا
کہ یہ باغ اک گل ہے جس کے چمن کا
Mira dil hai mushtaq us gul-badan ka
Ki ye bagh ik gul hai jis ke chaman ka
وہی زلف ہے جس کی نکہت سے اب تک
پڑا خون سوکھے ہے مشک ختن کا
Wahi zulf hai jis ki nakhat se ab tak
Pada khoon sookhe hai mushk-e-khutan ka
وہی لعل لب ہے کہ حسرت سے جس کے
جگر آج تک خوں ہے لعل یمن کا
Wahi laal-e-lab hai ki hasrat se jis ke
Jigar aaj tak khoon hai laal-e-yaman ka
عجب سیر دیکھی نظیرؔ اس چمن کی
ابھی وصل تھا نرگس و نسترن کا
Ajab sair dekhi Nazir is chaman ki
Abhi wasl tha nargis-o-nastaran ka
ابھی یک دگر جمع تھے سنبل و گل
ابھی تھا بہم جوش سرو و سمن کا
Abhi yak-digar jama the sumbul-o-gul
Abhi tha baham josh sarv-o-saman ka
ابھی چہچہے بلبلوں کے عیاں تھے
ابھی شور تھا قمریٔ نعرہ زن کا
Abhi chahchahe bulbulon ke ayan the
Abhi shor tha qumri-e-nara-zan ka
گھڑی بھر کے ہی بعد دیکھا یہ عالم
کہ نام و نشاں بھی نہ واں تھا چمن کا
Ghadi bhar ke hi baad dekha ye aalam
Ki naam-o-nishan bhi na waan tha chaman ka
