شور آہوں کا اٹھا نالہ فلک سا نکلا
آج اس دھوم سے ظالم تیرا شیدا نکلا
Shor aahon ka utha nala falak sa nikla
Aaj is dhoom se zalim tera shaida nikla
یوں تو ہم تھے یوں ہی کچھ مثل انار و مہتاب
جب ہمیں آگ دکھائی تو تماشا نکلا
Yun to hum the yun hi kuchh misl-e-anar-o-mahtab
Jab hamen aag dikhai to tamasha nikla
غم سے ہم بھانمتی بن کے جہاں بیٹھے تھے
اتفاقا کہیں وہ شوخ بھی واں آ نکلا
Gham se hum bhanmati ban ke jahan baithe the
Ittifaqan kahin wo shokh bhi waan aa nikla
سینے کی آگ دکھانے کو دہن سے اپنے
شعلے پر شعلہ بھبھوکے پہ بھبھوکا نکلا
Sine ki aag dikhane ko dahan se apne
Shole par shola bhabhuke pe bhabhuka nikla
مت شفق کہہ یہ ترا خون فلک پر ہے نظیرؔ
دیکھ ٹپکا تھا کہاں اور کہاں جا نکلا
Mat shafaq kah ye tira khun falak par hai Nazir
Dekh tapka tha kahan aur kahan ja nikla
