یہ جو گل رو نگار ہنستے ہیں
فتنہ گر ہیں ہزار ہنستے ہیں
Ye jo gul-ru nigar hanste hain
Fitna-gar hain hazar hanste hain
عرض بوسے کی سچ نہ جانو تم
ہم تو اے گلعذار ہنستے ہیں
Arz bose ki sach na jano tum
Hum to ae gul-izar hanste hain
دل کو دے مفت ہنستے ہیں ہم یوں
جس طرح شرمسار ہنستے ہیں
Dil ko de muft hanste hain hum yun
Jis tarah sharmsar hanste hain
ہم جو کرتے ہیں عشق پیری میں
خوبرو بار بار ہنستے ہیں
Hum jo karte hain ishq piri mein
Khub-ru bar bar hanste hain
جو قدیمی ہیں یار دوست نظیرؔ
وہ بھی بے اختیار ہنستے ہیں
Jo qadimi hain yaar dost Nazir
Wo bhi be-ikhtiyar hanste hain
