یہ چشم آئینہ دار رو تھی کسو کی
نظر اس طرف بھی کبھو تھی کسو کی
Ye chashm aaina-dar-e-ru thi kisu ki
Nazar is taraf bhi kabhu thi kisu ki
سحر پائے گل بے خودی ہم کو آئی
کہ اس سست پیماں میں بو تھی کسو کی
Sahar paa-e-gul be-khudi hum ko aai
Ke us sust-paiman mein bu thi kisu ki
یہ سرگشتہ جب تک رہا اس چمن میں
برنگ صبا جستجو تھی کسو کی
Ye sargashta jab tak raha is chaman mein
Ba-rang-e-saba justuju thi kisu ki
نہ ٹھہری ٹک اک جان بر لب رسیدہ
ہمیں مدعا گفتگو تھی کسو کی
Na thahri tuk ik jaan-e-bar-lab-raseeda
Hamen mudda'a guftugu thi kisu ki
جلایا شب اک شعلۂ دل نے ہم کو
کہ اس تند سرکش میں خو تھی کسو کی
Jalaya shab ik shola-e-dil ne hum ko
Ke us tund-sarkash mein khu thi kisu ki
نہ تھے تجھ سے نازک میانان گلشن
بہت تو کمر جیسے مو تھی کسو کی
Na the tujh se nazuk miyanan-e-gulshan
Bahut to kamar jaise mu thi kisu ki
دم مرگ دشوار دی جان ان نے
مگر میرؔ کو آرزو تھی کسو کی
Dam-e-marg dushwar di jaan un ne
Magar Mir ko aarzu thi kisu ki
