لخت جگر تو اپنے یک لخت رو چکا تھا
اشک فقط کا جھمکا آنکھوں سے لگ رہا تھا
lakht-e-jigar to apne yak-lakht ro chuka tha
ashk-e-faqat ka jhamka aankhon se lag raha tha
دامن میں آج دیکھا پھر لخت میں لے آیا
ٹکڑا کوئی جگر کا پلکوں میں رہ گیا تھا
daaman mein aaj dekha phir lakht main le aaya
tukda koi jigar ka palkon mein rah gaya tha
اس قید جیب سے میں چھوٹا جنوں کی دولت
ورنہ گلا یہ میرا جوں طوق میں پھنسا تھا
is qaid-e-jeb se main chhoota junoon ki daulat
warna gala ye mera jyun tauq mein phansa tha
مشت نمک کی خاطر اس واسطے ہوں حیراں
کل زخم دل نہایت دل کو مرے لگا تھا
musht-e-namak ki khaatir is waaste hoon hairaan
kal zakhm-e-dil nihaayat dil ko mire laga tha
اے گرد باد مت دے ہر آن عرض وحشت
میں بھی کسو زمانے اس کام میں بلا تھا
ai gard-baad mat de har aan arz-e-wahshat
main bhi kisu zamaane is kaam mein bala tha
بن کچھ کہے سنا ہے عالم سے میں نے کیا کیا
پر تو نے یوں نہ جانا اے بے وفا کہ کیا تھا
bin kuchh kahe suna hai aalam se main ne kya kya
par tu ne yun na jaana ai be-wafa ki kya tha
روتی ہے شمع اتنا ہر شب کہ کچھ نہ پوچھو
میں سوز دل کو اپنے مجلس میں کیوں کہا تھا
roti hai sham'a itna har shab ki kuchh na poochho
main soz-e-dil ko apne majlis mein kyun kaha tha
شب زخم سینہ اوپر چھڑکا تھا میں نمک کو
ناسور تو کہاں تھا ظالم بڑا مزہ تھا
shab zakhm-e-seena oopar chhidka tha main namak ko
naasoor to kahaan tha zaalim bada maza tha
سر مار کر ہوا تھا میں خاک اس گلی میں
سینے پہ مجھ کو اس کا مذکور نقش پا تھا
sar maar kar hua tha main khaak us gali mein
seene pe mujh ko us ka mazkoor naqsh-e-pa tha
سو بخت تیرہ سے ہوں پامالیٔ صبا میں
اس دن کے واسطے میں کیا خاک میں ملا تھا
so bakht-e-teera se hoon paamaali-e-saba mein
is din ke waaste main kya khaak mein mila tha
یہ سر گذشت میری افسانہ جو ہوئی ہے
مذکور اس کا اس کے کوچے میں جا بجا تھا
ye sar-guzasht meri afsaana jo hui hai
mazkoor is ka us ke kooche mein ja-ba-ja tha
سن کر کسی سے وہ بھی کہنے لگا تھا کچھ کچھ
بے درد کتنے بولے ہاں اس کو کیا ہوا تھا
sun kar kisi se wo bhi kahne laga tha kuchh kuchh
be-dard kitne bole haan us ko kya hua tha
کہنے لگا کہ جانے میری بلا عزیزاں
احوال تھا کسی کا کچھ میں بھی سن لیا تھا
kahne laga ki jaane meri bala azeezaan
ahwaal tha kisi ka kuchh main bhi sun liya tha
آنکھیں مری کھلیں جب جی میرؔ کا گیا تب
دیکھے سے اس کو ورنہ میرا بھی جی جلا تھا
aankhen meri khulin jab ji Mir ka gaya tab
dekhe se us ko warna mera bhi ji jala tha
