دل جو زیر غبار اکثر تھا
کچھ مزاج ان دنوں مکدر تھا
dil jo zer-e-ghubar aksar tha
kuchh mizaj in dinon mukaddar tha
اس پہ تکیہ کیا تو تھا لیکن
رات دن ہم تھے اور بستر تھا
us pe takya kiya to tha lekin
raat din hum the aur bistar tha
سرسری تم جہاں سے گزرے
ورنہ ہر جا جہان دیگر تھا
sarsari tum jahan se guzre
varna har ja jahan-e-digar tha
دل کی کچھ قدر کرتے رہیو تم
یہ ہمارا بھی ناز پرور تھا
dil ki kuchh qadr karte rahiyo tum
ye hamara bhi naaz-parvar tha
بعد یک عمر جو ہوا معلوم
دل اس آئینہ رو کا پتھر تھا
ba'd yak umr jo hua maloom
dil us aaina-ru ka patthar tha
کیوں نہ ابر سیہ سفید ہوا
جب تلک عہد دیدۂ تر تھا
kyun na abr-e-siyah safed hua
jab talak ahd-e-dida-e-tar tha
اب خرابہ ہوا جہان آباد
ورنہ ہر اک قدم پہ یاں گھر تھا
ab kharaaba hua Jahanabad
varna har ik qadam pe yaan ghar tha
بے زری کا نہ کر گلا غافل
رہ تسلی کہ یوں مقدر تھا
be-zari ka na kar gila ghafil
rah tasalli ki yun muqaddar tha
اتنے منعم جہان میں گزرے
وقت رحلت کے کس کنے زر تھا
itne mun'im jahan mein guzre
vaqt-e-rehlat ke kis kane zar tha
صاحب جاہ و شوکت و اقبال
اک ازاں جملہ اب سکندر تھا
sahib-e-jaah-o-shaukat-o-iqbal
ik azan-jumla ab Sikandar tha
تھی یہ سب کائنات زیر نگیں
ساتھ مور و ملخ سا لشکر تھا
thi ye sab kaayenaat zer-e-nageen
saath mor-o-malakh sa lashkar tha
لعل و یاقوت ہم زر و گوہر
چاہیے جس قدر میسر تھا
la'l-o-yaqoot ham zar-o-gauhar
chahiye jis qadar muyassar tha
آخر کار جب جہاں سے گیا
ہاتھ خالی کفن سے باہر تھا
aakhir-e-kaar jab jahan se gaya
haath khaali kafan se baahar tha
عیب طول کلام مت کریو
کیا کروں میں سخن سے خوگر تھا
aib-e-tool-e-kalaam mat kariyo
kya karun main sukhan se khugar tha
