پلکوں پہ تھے پارۂ جگر رات
ہم آنکھوں میں لے گئے بسر رات
Palkon pe the para-e-jigar raat
Hum aankhon mein le gaye basar raat
اک دن تو وفا بھی کرتے وعدہ
گزری ہے امیدوار ہر رات
Ik din to wafa bhi karte waada
Guzri hai umeedwar har raat
مکھڑے سے اٹھائیں ان نے زلفیں
جانا بھی نہ ہم گئی کدھر رات
Mukhde se uthaein un ne zulfen
Jaana bhi na hum gayi kidhar raat
تو پاس نہیں ہوا تو روتے
رہ رہ گئی ہے پہر پہر رات
Tu paas nahin hua to rote
Reh reh gayi hai pahar pahar raat
کیا دن تھے کہ خون تھا جگر میں
رو اٹھتے تھے بیٹھ دوپہر رات
Kya din the ke khoon tha jigar mein
Ro uthte the baith dopahar raat
واں تم تو بناتے ہی رہے زلف
عاشق کی بھی یاں گئی گزر رات
Waan tum to banate hi rahe zulf
Aashiq ki bhi yaan gayi guzar raat
ساقی کے جو آنے کی خبر تھی
گزری ہمیں ساری بے خبر رات
Saqi ke jo aane ki khabar thi
Guzri hamen saari be-khabar raat
کیا سوز جگر کہوں میں ہمدم
آیا جو سخن زبان پر رات
Kya soz-e-jigar kahoon main hamdam
Aaya jo sukhan zaban par raat
صحبت یہ رہی کہ شمع روی
لے شام سے تا دم سحر رات
Sohbat ye rahi ke shama roi
Le shaam se ta dam-e-sahar raat
کھلتی ہے جب آنکھ شب کو تجھ بن
کٹتی نہیں آتی پھر نظر رات
Khulti hai jab aankh shab ko tujh bin
Katti nahin aati phir nazar raat
دن وصل کا یوں کٹا کہے تو
کاٹی ہے جدائی کی مگر رات
Din wasl ka yun kata kahe tu
Kaati hai judai ki magar raat
کل تھی شب وصل اک ادا پر
اس کی گئے ہوتے ہم تو مر رات
Kal thi shab-e-wasl ik ada par
Us ki gaye hote hum to mar raat
جاگے تھے ہمارے بخت خفتہ
پہنچا تھا بہم وہ اپنے گھر رات
Jaage the hamare bakht-e-khufta
Pahuncha tha baham woh apne ghar raat
کرنے لگا پشت چشم نازک
سوتے سے اٹھا جو چونک کر رات
Karne laga pusht-e-chashm nazuk
Sote se utha jo chaunk kar raat
تھی صبح جو منہ کو کھول دیتا
ہر چند کہ تب تھی اک پہر رات
Thi subh jo munh ko khol deta
Har chand ke tab thi ik pahar raat
پر زلفوں میں منہ چھپا کے پوچھا
اب ہووے گی میرؔ کس قدر رات
Par zulfon mein munh chhupa ke poochha
Ab howegi Mir kis qadar raat
