مانند شمع مجلس شب اشکبار پایا
القصہ میرؔ کو ہم بے اختیار پایا
Manind-e-sham'a majlis-e-shab ashkbar paaya
Al-qissa Mir ko hum be-ikhtiyar paaya
احوال خوش انھوں کا ہم بزم ہیں جو تیرے
افسوس ہے کہ ہم نے واں کا نہ بار پایا
Ahwal khush unhon ka hum-bazm hain jo tere
Afsos hai ke hum ne waan ka na baar paaya
جیتے جو ضعف ہو کر زخم رسا سے اس کے
سینے کو چاک دیکھا دل کو فگار پایا
Jeete jo zo'f ho kar zakhm-e-rasa se us ke
Seene ko chaak dekha dil ko figar paaya
شہر دل ایک مدت اجڑا بسا غموں میں
آخر اجاڑ دینا اس کا قرار پایا
Shahr-e-dil ek muddat ujra basa ghamon mein
Aakhir ujaar dena us ka qarar paaya
اتنا نہ تجھ سے ملتے نے دل کو کھو کے روتے
جیسا کیا تھا ہم نے ویسا ہی یار پایا
Itna na tujh se milte ne dil ko kho ke rote
Jaisa kiya tha hum ne waisa hi yaar paaya
کیا اعتبار یاں کا پھر اس کو خوار دیکھا
جس نے جہاں میں آ کر کچھ اعتبار پایا
Kya etibar yaan ka phir us ko khwar dekha
Jis ne jahan mein aa kar kuchh etibar paaya
آہوں کے شعلے جس جا اٹھتے تھے میرؔ سے شب
واں جا کے صبح دیکھا مشت غبار پایا
Aahon ke shole jis ja uthte the Mir se shab
Waan ja ke subh dekha musht-e-ghubar paaya
