موے سہتے سہتے جفا کاریاں
کوئی ہم سے سیکھے وفاداریاں
Mue sahte sahte jafa-kariyan
Koi hum se seekhe wafadariyan
ہماری تو گزری اسی طور عمر
یہی نالہ کرنا یہی زاریاں
Hamari to guzri isi taur umr
Yahi nala karna yahi zariyan
گیا جان سے اک جہاں لے کے شوخ
نہ تجھ سے گئیں یہ دل آزاریاں
Gaya jaan se ik jahan le ke shokh
Na tujh se gayin ye dil-azariyan
کہاں تک یہ تکلیف ما لا یطاق
ہوئیں مدتوں ناز برداریاں
Kahan tak ye takleef-e-ma la yutaq
Huin muddaton naz-bardariyan
خط و کاکل و زلف و انداز و ناز
ہوئیں دام رہ صد گرفتاریاں
Khat-o-kakul-o-zulf-o-andaz-o-naz
Huin daam-e-rah sad giraftariyan
کیا درد و غم نے مجھے ناامید
کہ مجنوں کو یہ ہی تھیں بیماریاں
Kiya dard-o-gham ne mujhe na-umeed
Ke Majnun ko ye hi thin beemariyan
تری آشنائی سے ہی حد ہوئی
بہت کی تھیں دنیا میں ہم یاریاں
Teri aashnai se hi had hui
Bahut ki thin duniya mein hum yariyan
نہ بھائی ہماری تو قدرت نہیں
کھنچیں میرؔ تجھ سے ہی یہ خواریاں
Na bhai hamari to qudrat nahin
Khinchin Mir tujh se hi ye khwariyan
