شب درد و غم سے عرصہ مرے جی پہ تنگ تھا
آیا شب فراق تھی یا روز جنگ تھا
shab dard-o-gham se arsa mere ji pe tang tha
aaya shab-e-firaq thi ya roz-e-jang tha
کثرت میں درد و غم کی نہ نکلی کوئی تپش
کوچہ جگر کے زخم کا شاید کہ تنگ تھا
kasrat mein dard-o-gham ki na nikli koi tapish
koocha jigar ke zakhm ka shayad ki tang tha
لایا مرے مزار پہ اس کو یہ جذب عشق
جس بے وفا کو نام سے بھی میرے ننگ تھا
laaya mere mazaar pe us ko ye jazb-e-ishq
jis be-vafa ko naam se bhi mere nang tha
دیکھا ہے صید گا میں ترے صید کا جگر
با آنکہ چھن رہا تھا پہ ذوق خدنگ تھا
dekha hai said-ga mein tere said ka jigar
ba-aanki chhan raha tha pa zauq-e-khadang tha
دل سے مرے لگا نہ ترا دل ہزار حیف
یہ شیشہ ایک عمر سے مشتاق سنگ تھا
dil se mere laga na tera dil hazaar haif
ye sheesha ek umr se mushtaaq-e-sang tha
مت کر عجب جو میرؔ ترے غم میں مر گیا
جینے کا اس مریض کے کوئی بھی ڈھنگ تھا
mat kar ajab jo Mir tere gham mein mar gaya
jeene ka is mareez ke koi bhi dhang tha
