کب تک تو امتحاں میں مجھ سے جدا رہے گا
جیتا ہوں تو تجھی میں یہ دل لگا رہے گا
kab tak tu imtihan mein mujh se juda rahega
jeeta hun to tujhi mein ye dil laga rahega
یاں ہجر اور ہم میں بگڑی ہے کب کی صحبت
زخم دل و نمک میں کب تک مزہ رہے گا
yaan hijr aur hum mein bigdi hai kab ki sohbat
zakhm-e-dil-o-namak mein kab tak maza rahega
تو برسوں میں ملے ہے یاں فکر یہ رہے ہے
جی جائے گا ہمارا اک دم کو یا رہے گا
tu barson mein mile hai yaan fikr ye rahe hai
ji jaayega hamara ik dam ko ya rahega
میرے نہ ہونے کا تو ہے اضطراب یوں ہی
آیا ہے جی لبوں پر اب کیا ہے جا رہے گا
mere na hone ka to hai iztiraab yun hi
aaya hai ji labon par ab kya hai ja rahega
غافل نہ رہیو ہرگز نادان داغ دل سے
بھڑکے گا جب یہ شعلہ تب گھر جلا رہے گا
ghafil na rahiyo hargiz naadaan daagh-e-dil se
bhadkega jab ye shola tab ghar jala rahega
عمر عزیز ساری دل ہی کے غم میں گزری
بیمار عاشقی یہ کس دن بھلا رہے گا
umr-e-aziz saari dil hi ke gham mein guzri
beemar-e-aashiqi ye kis din bhala rahega
کیا ہے جو اٹھ گیا ہے پر بستۂ وفا ہے
قید حیات میں ہے تو میرؔ آ رہے گا
kya hai jo uth gaya hai par basta-e-vafa hai
qaid-e-hayat mein hai to Mir aa rahega
