چھٹتا ہی نہیں ہو جسے آزار محبت
مایوس ہوں میں بھی کہ ہوں بیمار محبت
chhutta hi nahin ho jise aazar-e-mohabbat
maayoos hun main bhi ki hun beemar-e-mohabbat
امکاں نہیں جیتے جی ہو اس قید سے آزاد
مر جائے تبھی چھوٹے گرفتار محبت
imkaan nahin jeete ji ho is qaid se aazaad
mar jaaye tabhi chhoote giraftar-e-mohabbat
تقصیر نہ خوباں کی نہ جلاد کا کچھ جرم
تھا دشمن جانی مرا اقرار محبت
taqseer na khubaan ki na jallad ka kuchh jurm
tha dushman-e-jaani mera iqrar-e-mohabbat
ہر جنس کے خواہاں ملے بازار جہاں میں
لیکن نہ ملا کوئی خریدار محبت
har jins ke khwahaan mile bazaar-e-jahan mein
lekin na mila koi kharidar-e-mohabbat
اس راز کو رکھ جی ہی میں تا جی بچے تیرا
زنہار جو کرتا ہو تو اظہار محبت
is raaz ko rakh ji hi mein ta ji bache tera
zinhaar jo karta ho tu izhar-e-mohabbat
ہر نقش قدم پر ترے سر بیچے ہیں عاشق
ٹک سیر تو کر آج تو بازار محبت
har naqsh-e-qadam par tere sar beche hain aashiq
tuk sair to kar aaj tu bazaar-e-mohabbat
کچھ مست ہیں ہم دیدۂ پر خون جگر سے
آیا یہی ہے ساغر سرشار محبت
kuchh mast hain hum dida-e-pur-khoon-e-jigar se
aaya yahi hai saaghar-e-sarshaar-e-mohabbat
بیکار نہ رہ عشق میں تو رونے سے ہرگز
یہ گریہ ہی ہے آب رخ کار محبت
bekaar na rah ishq mein tu rone se hargiz
ye girya hi hai aab-e-rukh-e-kaar-e-mohabbat
مجھ سا ہی ہو مجنوں بھی یہ کب مانے ہے عاقل
ہر سر نہیں اے میرؔ سزاوار محبت
mujh sa hi ho Majnun bhi ye kab maane hai aaqil
har sar nahin ae Mir sazaavar-e-mohabbat
